Diutronomi 19:14 - Pijin Bible

¹⁴ Mosis hemi gohed fo tok olsem, “Long lan wea Yawe, God blong yufala, hemi givim long yufala fo onam, bae yu mas no muvum olketa ston wea olketa olo i putum fo makem baondri long pisgraon blong wantok blong yu.”

Pijin Deuterocanon

¹⁴ Mosis hemi gohed fo tok olsem, “Long lan wea Yawe, God blong yufala, hemi givim long yufala fo onam, bae yu mas no muvum olketa ston wea olketa olo i putum fo makem baondri long pisgraon blong wantok blong yu.”

Diutronomi 19:14 ပူးပေါင်းရင်းမြစ်များ

Stori abaotem Job 24:2

Olketa gohed fo stilim lan from narafala pipol. An olketa stilim sipsip fo putum wetem olketa sipsip blong olketa seleva.

Eksodas 21:13

Bat sapos man olsem hemi no tingting fo kilim dae narafala man ya, hemi aksiden nomoa, bae hemi save ranawe an go haed long wanfala ples wea bae mi siusim fo hemi stap sef long hem.

Provebs 15:25

Yawe hemi spoelem haos blong man hu hemi strong tumas, bat hemi lukaftarem ples blong wido.

Provebs 22:28

Yu no muvum mak blong spialaen blong pisgraon wea olketa olo bifoa kam i putum.

Provebs 23:10

Yu no muvum mak blong spialaen blong pisgraon wea olketa olo bifoa kam i putum. Yu no tekem eni lelebet pisgraon blong olketa hu i lusim dadi.

Hosia 5:10

Olketa lida blong Jiuda i olsem ravis man hu hemi save muvum spialaen. So, panis wea bae mi givim long olketa, hemi bikfala tumas olsem wanfala riva wea hemi flad an kavarem olketa finis.

Diutronomi 27:17

“Trabol bae kasem eniwan hu hemi muvum ston wea hemi makem baondri long pisgraon blong wantok blong hem.’ “An olketa pipol mas ansa olsem, ‘!Hem tru ya!’

Diutronomi 3:18

“An long datfala taem, mi tokstrong olsem long olketa long traeb blong Ruben, Gad an Manase, ‘Yawe, God blong yufala, hemi givim finis disfala lan long yufala fo onam. Bat taem yumi krosim Jodan Riva, bae olketa soldia blong yufala mas karim go olketa wepon an go fastaem long olketa wantok blong yufala long pipol blong Israel.

Diutronomi 4:41

Nao Mosis hemi siusimaot trifala taon long saet blong Jodan Riva long ist.