Diutronomi 18:22 - Pijin Bible

²² Wei fo save long diskaen samting hemi olsem, sapos wanfala profet hemi toktok long nem blong Yawe, bat olketa samting wea hem bin talem i no hapen, hem nao hemi somaot dat toktok ya hemi no blong Yawe. Profet ya hemi bin toktok nating nomoa, so yufala mas no fraet long hem.’”

Pijin Deuterocanon

²² Wei fo save long diskaen samting hemi olsem, sapos wanfala profet hemi toktok long nem blong Yawe, bat olketa samting wea hem bin talem i no hapen, hem nao hemi somaot dat toktok ya hemi no blong Yawe. Profet ya hemi bin toktok nating nomoa, so yufala mas no fraet long hem.’”

Diutronomi 18:22 ပူးပေါင်းရင်းမြစ်များ

1 Kings 22:28

Den Maekaea hemi tokaot olsem, “Sapos yu kambaek an yu oraet nomoa, hem nao hemi minim dat Yawe hemi no talem toktok ya long mi.” An hemi tokaot moa olsem, “!Yufala evriwan mas herem nao wanem mi bin talem!”

2 Kings 20:1

No longtaem bifoa ami blong Asiria hemi kam fo faetem Jiuda, King Hesekaea hemi sik tumas, go-go hemi kolsap dae. Nao Profet Aesaea, san blong Amoj, hemi go an sei long hem, “Yawe nao hemi tok olsem: Hemi gud fo yu stretem evri bisnis blong yu, bikos bae yu dae nao ya. Bae yu no save kamap gud moa.”

Provebs 26:2

Olsem smol bed i no save stap kuaet, toktok fo spoelem stretfala man i no save mekem trabol kasem hem.

Aesaea 41:22

Yufala kam long hia an talem kam olketa samting wea bae hemi hapen, mekem mifala save makem taem wea bae olketa samting ya i hapen. Talem kam olketa samting wea hemi bin hapen bifoa, an talemaot kam mining blong olketa samting ya.

Jona 3:4

Long fas de, taem hemi wakabaot insaet long taon, hemi singaot olsem, “!Bifoa fotifala de hemi finis, yufala mas lusim ravis wei blong yufala, nogud bae God hemi lusim yufala an barava spoelem yufala!”

Jona 4:2

So hemi prea olsem, “Yawe, taem mi stap yet long kantri blong mi, mi save finis wea yu save fogivim pipol. Dastawe nao mi trae fo ranawe go long Spen. Mi save finis wea yu kaen tumas an yu save sore long pipol. Yu no save kros kuiktaem, an yu tinghevi tumas long pipol. Ya, yu redi olowe nomoa fo fogivim pipol, an i no fo panisim olketa.

Sekaraea 2:13

So yumi evriwan long wol mas stap kuaet frant long Yawe, bikos distaem, hemi kamaot from holi ples blong hem long heven.

Diutronomi 18:20

Bat sapos wanfala profet hemi talemaot samfala toktok long nem blong mi wea mi no talem, oraet yufala mas kilim hem dae. An eni profet wea hemi toktok long nem blong olketa narafala god, yufala mas kilim hem dae tu.

Diutronomi 18:21

“‘Bat maet yufala tok olsem, “?Hao nao mifala save dat toktok ya hemi no kamaot long Yawe?”

1 Samuel 3:19

Taem Samuel hemi gohed fo kamap bikfala, oltaem Yawe hemi stap wetem hem. An hemi gohed fo mekem evrisamting wea Samuel hemi talemaot fo kamap tru.