Diutronomi 18:14 - Pijin Bible

¹⁴ Mosis hemi gohed fo tok olsem, “Olketa pipol wea bae yufala save ronemaot from ples blong olketa i save falom olketa toktok blong olketa poesen man o olketa hu i sakrifaes fo save wanem bae i hapen. Bat, Yawe, God blong yufala, hemi no letem yufala fo falom diskaen wei.

Pijin Deuterocanon

¹⁴ Mosis hemi gohed fo tok olsem, “Olketa pipol wea bae yufala save ronemaot from ples blong olketa i save falom olketa toktok blong olketa poesen man o olketa hu i sakrifaes fo save wanem bae i hapen. Bat, Yawe, God blong yufala, hemi no letem yufala fo falom diskaen wei.

Diutronomi 18:14 ပူးပေါင်းရင်းမြစ်များ

Jenesis 20:6

Nao long drim ya, Yawe hemi tok olsem, “Ya, mi save dat yu no luksave nomoa wanem yu bin duim ya. Dastawe mi no letem yu fo sin agensim mi, o letem yu fo tasim bodi blong Sera.

2 Kings 21:6

An hemi bonem san blong hem seleva long faea fo mekem sakrifaes go long olketa god. Hemi mekem grinlif, an hemi mekem sakrifaes fo save wanem bae i kamap, an hemi go lukim olketa hu i save toktok wetem olketa devoldevol an olketa spirit. Hemi duim plande samting wea hemi barava nogud tumas long ae blong Yawe, so hemi mekem Yawe fo kros tumas.

Aesaea 2:6

(Profet) Yawe. Yu nao God blong olketa laen blong Jekob. Bat distaem yu les nao long olketa pipol blong yu bikos olketa falom wei fo mekem majik blong olketa pipol long ist an olketa blong Filistia long west. An olketa falom tu wei blong olketa hiden pipol long olketa narafala kantri.

Jeremaea 27:9

Dastawe nao yufala mas no lisin long olketa profet blong yufala, an long olketa majik man, an long olketa poesen man, an long olketa kleva man an olketa man hu i lukim drim. Yufala mas no lisin long olketa ya taem olketa talemaot dat bae yufala no stap andanit long paoa blong king blong Babilonia.

Daniel 2:27

Daniel hemi ansarem hem olsem, “King, no eni waes man, o majik man, o poesen man, o kleva man hemi save talemaot wanem yu laekem.

Maeka 5:12

Bae mi tekemaot olketa tambu ston blong yufala wea yufala gohed fo trastem, an bae mi kilim dae olketa poesen man an olketa majik man wea i gohed fo talemaot evrisamting wea bae hemi hapen.

Aposol 14:16

Long bifoa kam, hemi letem olketa pipol long evri ples fo falom maen blong olketa seleva.

Diutronomi 18:10

Yufala mas no letem eniwan bonem pikinini blong hem long faea fo mekem sakrifaes. Yufala mas no letem eniwan mekem sakrifaes fo save abaotem wanem bae hemi kamap bihaen. Yufala mas no letem eniwan fo mekem enikaen majik o poesen.