Diutronomi 17:9 - Pijin Bible

⁹ Yufala mas talemaot datfala trabol long olketa prist blong traeb blong Livae, an talemaot tu long olketa jaj long kot long dea. Olketa nao mas jajem trabol ya.

Pijin Deuterocanon

⁹ Yufala mas talemaot datfala trabol long olketa prist blong traeb blong Livae, an talemaot tu long olketa jaj long kot long dea. Olketa nao mas jajem trabol ya.

Diutronomi 17:9 ပူးပေါင်းရင်းမြစ်များ

1 Kronikols 26:29

Long laen blong Isaha, Kenanaea an olketa long laen blong hem i no waka long Tambuhaos. Waka blong olketa nao hemi fo lukaftarem olketa ripot, an jajem olketa trabol blong pipol blong Israel.

Eksodas 18:16

An taem tufala man garem trabol, tufala ya save kam long mi, mekem mi jajem hu long tufala nao hemi rong. Long wei ya nao mi save helpem olketa fo save long olketa lo an olketa tising blong God.”

Eksodas 22:8

Bat sapos olketa no faendemaot man hu hemi stilim, oraet, olketa mas tekem man hu hemi lukaftarem olketa samting ya, fo go long olketa jaj, an hemi mas mekem strongfala promis wea hemi no stilim olketa samting ya.

Jeremaea 18:18

Olketa pipol i tok olsem, “Olketa. Yumi mas mekem plan agensim profet ya. Bae olketa prist i stap olowe fo tisim yumi, an olketa waesman i stap olowe fo givim gudfala tingting long yumi, an olketa profet blong yumi tu i stap fo talemaot long yumi olketa profesi. So yumi mas agensim Jeremaea ya an tokspoelem hem, an yumi mas no lisin long olketa toktok blong hem.”

Esikiel 44:24

“An sapos olketa pipol i raoa, olketa prist mas falom lo blong mi fo stretem olketa raoa ya. Olketa mas kipim olketa fist blong mi, olsem wea olketa lo an olketa rul blong mi i talem, an mas kipim Sabat de holi.

Hagae 2:11

?Yawe hu hemi garem evri paoa hemi tok olsem, ?Yu go faendemaot long olketa prist olsem wanem nao lo hemi talem.

Sekaraea 3:7

?Yawe hu hemi garem evri paoa, hemi tok olsem, ?Sapos yu falom stretfala wei blong mi an yu obeim olketa lo blong mi, bae mi letem yu fo lukaftarem Tambuhaos blong mi wetem olketa tambu eria raonem hem. An bae mi mekem yu fo garem raet fo kam stanap frant long mi, olsem olketa long hia hu i stanap olowe frant long mi.

Malakae 2:7

?Olketa prist nao i mesenja blong mi Yawe hu mi garem evri paoa. So, olketa mas tisim pipol fo savegud long tru wei blong mi, an hemi gud fo pipol i kam fo lane from olketa.

Diutronomi 16:18

Nao Mosis hemi gohed fo tok olsem, “Bae yufala mas siusimaot samfala man fo kamap jaj, an samfala man fo kamap bikman long olketa taon wea Yawe bae hemi givim long yufala. An olketa mas jajem evrisamting long kot long stretfala wei.

Diutronomi 17:10

Den yufala mas barava falom wanem olketa talem long yufala long dea. Yufala mas duim evrisamting wea olketa talemaot.

Diutronomi 21:5

An olketa prist long traeb blong Livae i mas go long ples ya tu. Yawe, God blong yufala, hemi bin siusimaot olketa prist fo duim waka blong hem, an fo talemaot olketa blesing long nem blong hem, an fo jajem olketa trabol long olketa raoa an faet.

Diutronomi 25:1

“Taem tufala man i raoa, tufala mas go long kot fo stretem. Nao jaj bae hemi talemaot hu nao hemi stret, an hu nao hemi fitim fo garem panis.

Diutronomi 33:10

Yufala long traeb blong Livae nao save tisim olketa rul blong Yawe long pipol long laen blong Jekob, yufala ya save mekem pipol blong Israel i lanem lo blong hem. Yufala bonem insens fo mekhae long Yawe, yufala save bonem sakrifaes long olta blong hem.