Diutronomi 17:20 - Pijin Bible

²⁰ Long disfala wei, bae hemi no praod tumas an tingim dat hemi gud moa winim olketa wantok long Israel. An bae hemi no lusim lo blong Yawe enitaem. Sapos hemi gohed fo tinghae long Yawe olsem, bae hemi stap king longtaem, an olketa long laen blong hem tu bae i save king longtaem long Israel.”

Pijin Deuterocanon

²⁰ Long disfala wei, bae hemi no praod tumas an tingim dat hemi gud moa winim olketa wantok long Israel. An bae hemi no lusim lo blong Yawe enitaem. Sapos hemi gohed fo tinghae long Yawe olsem, bae hemi stap king longtaem, an olketa long laen blong hem tu bae i save king longtaem long Israel.”

Diutronomi 17:20 ပူးပေါင်းရင်းမြစ်များ

2 Samuel 22:23

Mi gohed fo obeim olketa lo blong hem Mi nating brekem olketa toktok blong hem.

1 Kings 11:34

“‘Bat bae mi no tekemaot raet blong hem fo rul taem hemi laef, bikos mi nao mi mekem hem king fo rul olowe long laef blong hem. Bae mi letem hem fo rul, bikos mi tinghevi long King Deved, wea mi bin siusim hem, an hemi bin obeim olketa lo an olketa toktok blong mi.

1 Kings 11:36

Bae mi letem pikinini blong hem fo rul ovarem wanfala traeb nomoa, mekem man long laen blong King Deved fo king long Jerusalem olowe. Hem nao ples wea mi bin siusim fo yufala wosipim nem blong mi long hem.

1 Kings 15:3

King Abaeja hemi falom evri ravis wei blong dadi blong hem. An hemi no tinghevi long Yawe, God blong hem, olsem grani blong hem King Deved hemi bin duim bifoa.

1 Kings 15:5

Hemi duim olsem bikos King Deved hemi bin mekem evrisamting wea hemi stret long ae blong Yawe, an hemi no brekem toktok blong hem enitaem long laef blong hem. Wanfala nogud samting nomoa wea hemi duim, hem nao wanem hemi duim long Yuraea, man long laen blong Het.

1 Kings 2:3

An yu mas duim olketa samting wea Yawe, God blong yu, hemi talem yu fo duim. Yu mas obeim olketa lo an rul wea olketa raetem long buk blong Lo blong Mosis. Long wei olsem, nomata eni ples yu go, bae yu save gohed gudfala long olketa samting yu duim.

2 Kings 10:30

Nao Yawe hemi tok olsem long Jehu, “Yu duim finis evrisamting wea mi laekem yu fo duim long olketa long laen blong King Ehab. So, mi promisim yu olsem, fofala man long laen blong yu go kasem mekfoa jeneresin bae i kamap king blong Israel.”

2 Kings 14:10

An hemi sei moa, “Hemi tru yu winim finis ami blong Idom long faet, an distaem yu praod tumas. Hemi gud fo yu stap nomoa long hom an praod long yu seleva. Yu mas no mekem trabol olsem, bikos bae hemi spoelem yu an olketa pipol blong Jiuda.”

2 Kronikols 25:19

An hemi sei moa, “Yu talem yu seleva wea yu winim finis ami blong Idom long faet, an distaem yu praod tumas. Hemi gud fo yu stap nomoa long hom. Yu mas no mekem trabol olsem bikos bae hemi spoelem yu an olketa pipol blong Jiuda.”

2 Kronikols 26:16

Bat taem King Yusaea hemi kamap strong fogud, hemi praod tumas go-go hemi bagarap. Hemi mekem sin agensim Yawe hu hemi God blong hem taem hemi go insaet long Tambuhaos blong Yawe fo hemi bonem insens long Olta fo Bonem Insens.

2 Kronikols 33:12

Hemi safa fogud an filnogud tumas, so hemi prea an askem God fo kaen long hem. Hemi mekem tingting blong hem fo hambol long Yawe hu hemi God blong olketa olfala grani blong hem.

2 Kronikols 33:19

An plande narafala samting moa wea Manase hemi duim, Hosae hemi raetemdaon long buk blong hem. Long buk ya, hemi garem stori abaotem prea blong Manase wetem ansa wea God hemi givim long hem. An hemi garem ripot long olketa nogud samting wea hemi duim fastaem, an ripot long olketa nogud wei blong hem, an ripot long olketa ples wea hemi bin wakem olketa tambuples, an ripot long olketa tambu kaving blong Asera an olketa narafala tambu kaving wea hemi putumap. Hem nao olketa samting hemi duim bifoa hemi mekem hem seleva fo hambol.

2 Kronikols 33:23

Bat hemi no olsem dadi blong hem bikos hemi no mekem tingting blong hem fo hambol long Yawe. Hemi gohed fo duim evri nogud samting so hemi fitim bikfala panis moa.

Sams 119:102

Mi no save fogetem olketa rul blong yu, bikos yu nao yu tisim mi.

Sams 132:12

An sapos olketa hu bae i bon kam bihaen long yu i gohed fo falom agrimen blong mi, an falom olketa tising wea mi bin givim long olketa, bae olketa save kamap king, an save rul bihaen long yu olowe nao.”

Sams 19:11

Lod Yawe, olketa toktok blong yu ya i gohed fo mekem mi save, wea mi nao wakaman blong yu. An yu givim gudfala samting long mi, bikos mi gohed fo obeim olketa toktok ya.

Provebs 10:27

Tinghae long Yawe, bae yu garem longfala laef, laef blong nogud man, bae hemi sot.

Provebs 27:24

bikos olketa save mekem yu risman, bat risis an biknem no save stap olowe.

Eklesiastes 8:13

Bat olketa ravis man hu i no tinghae long God, laef blong olketa bae hemi nogud an hemi no longfala.”

Aesaea 2:12

Long datfala taem tu, Yawe hu hemi garem evri paoa bae hemi daonem olketa pipol hu i praod.

Habakuk 2:4

Hem ya nao mesij blong mi wea hemi olsem: Olketa praod pipol ya i nating laekem enisamting wea hemi stret. Bat olketa stretfala pipol bae i laef, bikos olketa tingting strong nomoa long mi.

2 Korin 12:7

Nao wanfala samting hemi kasem mi wea hemi olsem wanfala nogud nila long bodi blong mi. Diswan hemi mekem mi no kamap praod tumas from olketa bikfala samting wea hemi staphaed dat God hemi somaot long mi. An diswan hemi olsem wanfala enjel blong Seitan hemi mekem mi safa.

Diutronomi 12:25

An taem yufala no kaikaim eni blad, yufala barava duim wanem hemi stret long ae blong Yawe, so bae hemi mekem evrisamting i barava gud tumas long laef blong yufala an long olketa pikinini blong yufala.

Diutronomi 12:28

Yufala mas lukaot fo obeim olketa lo wea mi gohed fo talem long yufala. Sapos yufala obeim, yufala barava duim wanem hemi stret long ae blong Yawe, so bae hemi mekem evrisamting i barava gud tumas long laef blong yufala an long olketa pikinini blong yufala.”

Diutronomi 12:32

“Yufala mas duim evrisamting wea mi talem finis long yufala. Yufala mas no adem go eni toktok moa, an yufala mas no tekemaot eni toktok long hem.”

Diutronomi 17:11

Nomata watkaen toktok olketa tisim long yufala, bat yufala mas hapi long hem, an yufala mas falomgud an no mis long enisamting.

Diutronomi 4:2

Olketa toktok wea bae mi givim long yufala, yufala mas no adem eni toktok moa long hem. An yufala mas no tekemaot eni smol haf long hem tu. Olketa toktok ya hemi strongfala toktok blong Yawe an yufala mas obeim.

Diutronomi 5:32

Den Mosis hemi tok moa olsem, “!Olketa! Yufala mas lukaot fo duim evrisamting wea Yawe, God blong yufala, hemi talem long yufala. Yufala mas barava falom stret olketa lo ya.

Diutronomi 8:2

Olowe yufala mas gohed fo rimembarem wei wea Yawe, God blong yufala, hemi lidim yufala long drae eria long fotifala yia. Hemi mekem yufala kasem hadtaem fo traem yufala, an fo faendemaot tingting blong yufala, an fo save dat bae yufala save obeim olketa lo blong hem o nomoa.

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”

1 Samuel 10:25

Den, Samuel hemi talemaot olketa waka blong king wetem olketa samting wea hemi garem raet fo duim. An hemi raetemdaon olketa samting ya long wanfala buk. Bihaen, hemi putum gud disfala buk long tambuhaos blong Yawe. An hemi sendem gobaek olketa evriwan long olketa ples blong olketa.

1 Samuel 15:23

Wei wea man hemi les long God, hemi sin olsem man hemi mekem majik long grinlif. An wei wea man hemi haemapem hem seleva, hemi nogud tumas olsem hemi wosipim tambu kaving blong narafala god. Bikos yu les long toktok blong Yawe, hemi les fo yu king.”