Diutronomi 15:1 - Pijin Bible

¹ Mosis hemi gohed fo tok olsem, “Evritaem long mekseven yia, yufala mas aotem olketa kaon.

Pijin Deuterocanon

¹ Mosis hemi gohed fo tok olsem, “Evritaem long mekseven yia, yufala mas aotem olketa kaon.

Diutronomi 15:1 ပူးပေါင်းရင်းမြစ်များ

Nehemaea 10:31

“Taem olketa pipol ya i kam long Sabat de fo salem kaikai an olketa narafala samting long mifala, o long narafala de blong yu wea hemi tambu, bae mifala no maket nao. “Oltaem, long evri mekseven yia, bae mifala no wakem eni gaden, bat letem graon ya hemi res, an bae mifala mas finisim olketa kaon wea pipol i mekem long mifala.

Eksodas 21:2

Sapos eniwan long yufala hemi baem wanfala man blong yufala Hibru fo hemi kamap slev blong hem, disfala man bae hemi save waka olsem slev fo siksfala yia nomoa. Long mekseven yia, bae hemi mas go fri an no peim masta blong hem enisamting.

Jeremaea 34:14

‘Sapos eni man o woman long yufala Hibru hemi kamap slev fo yufala, bae hemi save waka olsem slev fo siks yia nomoa, bat long mekseven yia, yufala mas letem hem fo go fri.’ Bat olketa grani blong yufala olketa les fo lisin long mi, an olketa les fo obeim mi.

Diutronomi 15:2

Nao yufala mas duim long wei olsem, sapos wanfala wantok blong yu hemi garem kaon long yu, yu mas fogetem datfala kaon, bikos Yawe hemi talemaot dat hemi taem fo aotem olketa kaon.

Diutronomi 15:9

Yufala mas no garem ravis tingting fo no givim kaon bikos hemi kolsap long mekseven yia wea hemi taem fo aotem olketa kaon. Yufala mas no letem selfis tingting olsem hemi mekem yufala les an no helpem wantok wea hemi garem trabol. Bikos sapos yufala no helpem hem, bae hemi save komplen long Yawe, an Yawe bae hemi jajem wea yufala fitim fo garem panis long hem.

Diutronomi 31:10

Nao hemi tok olsem long olketa, “Evri mekseven yia, long taem yufala aotem olketa kaon, long taem blong Bikde fo Stap long Smolfala Lif Haos, taem yufala evriwan i kam tugeta long frant long Yawe long tambuples wea bae hemi siusimaot, den yufala mas ridimaot disfala Lo, mekem olketa pipol i herem.