Diutronomi 11:10 - Pijin Bible

¹⁰ Disfala lan wea bae yufala go long hem fo tekova, hemi no olsem lan long Ijip wea yufala lusim. Long dea, oltaem yufala gohed fo hadwaka tumas fo karim wata fo putum long gaden blong yufala.

Pijin Deuterocanon

¹⁰ Disfala lan wea bae yufala go long hem fo tekova, hemi no olsem lan long Ijip wea yufala lusim. Long dea, oltaem yufala gohed fo hadwaka tumas fo karim wata fo putum long gaden blong yufala.

Diutronomi 11:10 ပူးပေါင်းရင်းမြစ်များ

Aesaea 19:10

Olketa pipol ya fo wakem kaleko wetem olketa wakaman blong olketa, bae i sore fogud.

Aesaea 37:25

Mi bin digim wel long olketa narafala kantri, an mi bin dringim wata long wel ya. Mi bin step long olketa riva long Ijip, go-go hemi drae evriwan.’

Jeremaea 2:7

Mi tekem kam yufala pipol blong mi insaet long lan wea hemi garem gudfala graon ya mekem yufala save kaikaim evri kaen gudfala kaikai wea hemi grou long ples ya. Bat wea, yufala kam nomoa fo spoelem lan ya blong mi, wea mi givim long yufala, an yufala mekem disfala ples fo kamap ravis long ae blong mi.

Sekaraea 14:18

An sapos pipol blong Ijip i les fo kam mekem Bikde fo Stap long Smolfala Lif Haos, bae hemi no save sendem kam ren long olketa tu. An bae Yawe hemi sendem ravis sik fo kasem olketa, olsem hemi sendem long olketa narafala kantri wea i les fo kam long disfala fist.

Diutronomi 11:11

Bat disfala lan wea yufala bae go akros long Jodan riva fo tekova long hem, hemi garem olketa hil an olketa vali, an oltaem ren hemi gohed fo mekem olketa gaden i grou gudfala.

Diutronomi 11:9

An bae yufala save stap longtaem long disfala barava gudfala lan wea Yawe hemi promisim long olketa olo blong yufala an long yufala long laen blong olketa.

Diutronomi 8:7

“Yawe, God blong yufala, bae hemi tekem yufala go long gudfala lan wea hemi garem olketa riva an springwata long hem wea olketa gohed fo ran long olketa vali an olketa hil.