Aposol 8:4 - Pijin Bible

⁴ Nao olketa pipol hu i bin ranawe go from Jerusalem, olketa goraon long olketa deferen ples, an olketa talemaot toktok blong God long evri ples wea olketa kasem.

Pijin Deuterocanon

⁴ Nao olketa pipol hu i bin ranawe go from Jerusalem, olketa goraon long olketa deferen ples, an olketa talemaot toktok blong God long evri ples wea olketa kasem.

Aposol 8:4 ပူးပေါင်းရင်းမြစ်များ

Matiu 10:23

Taem yufala kasem wanfala taon an olketa pipol long ples ya olketa meksave long yufala, yufala mas ranawe go long narafala taon moa. Mi talem yufala tru samting nao, mi San Blong Man, bae mi kambaek moa long taem wea yufala no finisim yet waka blong yufala long evri taon long Israel.

Gudnius abaotem Jisas Kraes wea Luk hemi raetem 1:2

Olketa raetem olketa samting wea mifala bin herem long olketa pipol hu i barava lukim olketa samting ya an hu i stat fo talemaot disfala Gudnius ya tu.

Aposol 11:19

Nao olketa Kristin hu i bin ranawe go taem olketa bin kilim dae Stivin, olketa goraon long olketa farawe ples nao olsem provins long Fonisia an aelan long Saepras an biktaon long Antiok. An olketa gohed fo talemaot mesij ya long olketa pipol blong Jiu nomoa.

Aposol 15:35

Bat Pol an Banabas tufala stap nomoa long Antiok, an tufala wetem plande pipol moa, olketa gohed fo tisim olketa pipol an talemaot toktok blong Masta long olketa.

Aposol 8:1

An Sol hemi tingse hemi gud nomoa wea olketa kilim dae Stivin. Stat long sem de wea Stivin hemi dae, olketa bikman i stat fo meksave tumas long olketa long sios long Jerusalem. An evriwan olketa ranawe go long olketa ples long Jiudia an Samaria. Olketa aposol nomoa olketa stapbaek long Jerusalem.

Aposol 8:12

Bat taem Filip hemi talemaot Gudnius abaotem Jisas Kraes an abaotem kingdom blong God, olketa man an olketa woman olketa bilivim Gudnius ya nao an olketa gohed fo baptaes.

1 Tesalonaeka 2:2

An yufala save tu dat taem mifala stap yet long taon long Filipae, olketa pipol barava spoelem mifala tumas an olketa tok nogud tu long mifala. Bat nomata plande pipol olketa agensim mifala, God blong yumi nao hemi strongim tingting blong mifala fo talemaot Gudnius blong hem long yufala.