Aposol 28:21 - Pijin Bible

²¹ An olketa ansarem hem olsem, “Mifala no kasem eni leta wea hemi bin kam from Jiudia an wea hemi talem enisamting abaotem yu. An no eniwan long olketa wantok hu olketa stap kam long Jiudia i bin talem eni nius abaotem yu o talem eni toktok agensim yu.

Pijin Deuterocanon

²¹ An olketa ansarem hem olsem, “Mifala no kasem eni leta wea hemi bin kam from Jiudia an wea hemi talem enisamting abaotem yu. An no eniwan long olketa wantok hu olketa stap kam long Jiudia i bin talem eni nius abaotem yu o talem eni toktok agensim yu.

Aposol 28:21 ပူးပေါင်းရင်းမြစ်များ

Eksodas 11:7

Bat bae no eni nogud samting save kam fo spoelem olketa pipol blong Israel wetem olketa animol blong olketa. Long datfala taem, bae hemi kuaet tumas long ples wea pipol blong Israel i stap, mekem olketa dog tu i stap kuaet long ples ya. Nao taem yufala lukim olketa samting ya, bae yufala save dat mi Yawe nao mi gohed fo mekem olketa pipol blong Israel i deferen from yufala.”

Aesaea 41:11

“Olketa hu i kros long yufala, bae i sem fogud, bikos olketa bae i lus long faet. Olketa hu i agensim yufala, bae olketa dae evriwan an kamap olsem samting nating nomoa.

Aesaea 50:8

bikos God hemi stap kolsap long mi, an bae hemi somaot dat mi stret nomoa. ?Waswe, eniwan hemi laek fo tekem mi long kot? Letem hemi talemaot toktok ya wea hemi agensim mi long hem.

Aesaea 54:17

Bat bae no eni wepon olsem save mekem yufala garekil. An bae yufala save ansarem olketa hu i tok agensim yufala. Ya, bae mi duim olketa gudfala samting fo yufala wakaman blong mi, an bae mi mekem yufala fo win.” Hem nao mesij blong Yawe.

Aposol 22:5

Haeprist an evriwan blong Kansol olketa save talemaot nomoa dat diswan hemi tru ya. Olketa nao i givim mi olketa leta wea olketa raetem go fo olketa wantok blong yumi long Damaskas. An mi nao mi wakabaot go fo kasem Damaskas an kasholem olketa pipol olsem. Mi laek fo putum sen long olketa an tekem olketa kam long Jerusalem, mekem olketa panis.

Aposol 28:14

An long taon ya mifala lukim samfala Kristin hu olketa askem mifala fo stap wetem olketa fo wanfala wik. An bihaen nao, mifala wakabaot go fo kasem Rom.

Aposol 3:17

“Olketa wantok, mi save dat yufala an olketa lida blong yufala tu, yufala no savegud wanem nao yufala duim long taem ya.

Leta wea Pol hemi raetem go long sios long Rom 9:3

Bikos olketa nao wantok blong mi, an olketa nao barava laen blong mi. Letem God hemi panisim mi an tekem mi aot from Kraes, sapos diswan hemi save helpem olketa Jiu fo kam kolsap long hem moa.