Aposol 27:29 - Pijin Bible

²⁹ Nao olketa fraet tumas, nogud sip hemi kasem wanfala rif, so olketa letem godaon fofala angga nao long bihaen long sip. An olketa gohed prea fo delaet hemi mas kam kuiktaem.

Pijin Deuterocanon

²⁹ Nao olketa fraet tumas, nogud sip hemi kasem wanfala rif, so olketa letem godaon fofala angga nao long bihaen long sip. An olketa gohed prea fo delaet hemi mas kam kuiktaem.

Aposol 27:29 ပူးပေါင်းရင်းမြစ်များ

Aposol 27:17

an olketa tekem hem kam antap long sip. An olketa taemapem samfala rop raonem sip ya, mekem hemi no brek long pisis. Nao olketa fraet fo ran go kasem olketa rif kolsap long kantri long Libia, so olketa daonem sel an mifala sel go isi-isi nomoa.

Aposol 27:26

Bat nomata olsem, bae yumi mas flot go kasem wanfala aelan ya.”

Aposol 27:28

So olketa tekem disfala string fo sekap long dip blong wata ya, an olketa faendem wea wata ya hemi kasem tuenti fatam. An lelebet taem bihaen, olketa traem moa, an dip blong wata hemi kasem fiftin fatam nomoa.

Aposol 27:30

Olketa kru ya olketa wande fo ranawe from sip, so olketa daonem dinggi go long si. Olketa laea an sei olketa mas putumdaon samfala angga moa long frant blong sip.

Diutronomi 28:67

Tingting blong yufala bae hemi trabol tumas, bikos yufala fraet tumas long olketa samting wea yufala lukim. Taem yufala wekap long moning, bae yufala laekem tumas fo hemi kamap tudak moa. An taem hemi tudak, bae yufala laekem tumas fo hemi delaet moa.

Hibrus 6:19

Olketa samting wea God hemi promisim yumi ya, hemi olsem wanfala strongfala angga long laef blong yumi, wea hemi no save muv. Promis blong God ya, hemi go kasem long narasaet long disfala bik kaleko wea hemi satem Barava Tambu Rum insaet long Tambuhaos long heven.