Aposol 25:19 - Pijin Bible

¹⁹ Olketa gohed nomoa fo raoa wetem hem abaotem olketa samting long saet long God blong olketa an abaotem wanfala man hu hemi dae finis, nem blong hem Jisas. Bat Pol nao hemi sei disfala man ya hemi stap laef nomoa.

Pijin Deuterocanon

¹⁹ Olketa gohed nomoa fo raoa wetem hem abaotem olketa samting long saet long God blong olketa an abaotem wanfala man hu hemi dae finis, nem blong hem Jisas. Bat Pol nao hemi sei disfala man ya hemi stap laef nomoa.

Aposol 25:19 ပူးပေါင်းရင်းမြစ်များ

Aposol 17:31

Bikos God ya, hemi bin makem finis wanfala de wea bae hemi jajem evriwan long disfala wol long hem. Bae hemi jajem evriwan long wei wea hemi stret fogud. An hemi bin makem finis disfala man wea bae hemi jajem olketa pipol olsem, an hemi bin somaot diswan klia long yumi evriwan, from hemi bin mekem disfala man fo laefbaek moa from dae.”

Aposol 18:15

Bat bikos diswan hemi wanfala raoa abaotem olketa toktok an olketa nem an olketa samting long lo blong yufala seleva nomoa, hemi gud fo yufala seleva nao yufala mas stretem. Mi no wiling fo jajem disfala kes fo yufala.”

Aposol 18:19

Olketa sel go kasem biktaon long Efesas wea Pol hemi lusim Prisila an Akuila. Hemi go insaet long preahaos blong olketa Jiu, an hemi gohed fo stori wetem olketa nao.

Aposol 2:32

Disfala man Jisas, God hemi mekem hem fo laefbaek moa from dae, an mifala evriwan nao i barava lukim diswan long ae blong mifala.

Aposol 23:29

Mi faendemaot wea olketa agensim hem from olketa samting long saet blong Lo blong olketa Jiu nomoa ya, bat olketa no jajem hem long enisamting wea hemi fitim fo hemi stap long prisin o fo hemi dae long hem ya.

Aposol 25:18

Bat taem olketa Jiu ya olketa stanap fo tok agensim hem, olketa nating talemaot nomoa eni nogud samting wea hemi bin duim, olsem mi tingim bae olketa save talem.

Aposol 25:7

Taem Pol hemi kam insaet nomoa, olketa Jiu hu olketa bin kamdaon from Jerusalem olketa go stanap raonem hem nao. An olketa gohed fo talem plande nogud samting agensim hem, bat olketa no save somaot dat olketa samting ya hemi tru.

Aposol 26:3

Mi barava hapi bikos yu nao yu wanfala man wea yu savegud long olketa kastom blong mifala olketa Jiu, an yu save tu long olketa samting wea mifala save raoa abaotem. So mi askem yu, plis, yu lisin gudfala fastaem long toktok blong mi.

Revelesin 1:18

!Mi man wea mi barava laef! Long bifoa, mi dae finis bat mi laefbaek moa an mi no save dae enitaem. Mi nao mi garem paoa ovarem Dae an mi garem paoa ovarem ples blong olketa pipol hu i dae finis.