Aposol 25:10 - Pijin Bible

¹⁰ Bat Pol hemi tok olsem, “Disfala kot ya, hemi kot blong bikfala King long Rom nao ya, an hem nomoa stret ples fo yufala kotem mi long hem. Yu save finis wea mi nating duim eni rong samting agensim olketa Jiu ya.

Pijin Deuterocanon

¹⁰ Bat Pol hemi tok olsem, “Disfala kot ya, hemi kot blong bikfala King long Rom nao ya, an hem nomoa stret ples fo yufala kotem mi long hem. Yu save finis wea mi nating duim eni rong samting agensim olketa Jiu ya.

Aposol 25:10 ပူးပေါင်းရင်းမြစ်များ

Matiu 27:18

Paelat hemi save nomoa dat olketa tekem kam Jisas long hem from olketa joles tumas long hem.

Matiu 27:19

Taem hemi sidaon fo jajem kes ya nomoa, waef blong hem hemi sendem kam wanfala toktok long hem nao, wea hemi sei, “Plis, yu no duim enisamting long stretfala man ya. Lastnaet mi drim abaotem hem, an disfala drim hemi mekem mi filnogud tumas ya.”

Aposol 23:29

Mi faendemaot wea olketa agensim hem from olketa samting long saet blong Lo blong olketa Jiu nomoa ya, bat olketa no jajem hem long enisamting wea hemi fitim fo hemi stap long prisin o fo hemi dae long hem ya.

Aposol 25:17

So taem olketa kam kasem Sisaria, mi no weit moa, bat long neks de nao mi mekem kot an mi talem samfala man fo tekem disfala man ya kam insaet.

Aposol 25:25

Bat mi no luksave long enisamting wea hemi bin duim rong, mekem hemi mas dae. Nao hem seleva hemi laekem bikfala King long Rom fo jajem kes blong hem, so mi bin tingim dat bae mi sendem hem go ya.

Aposol 25:6

Nao Festas hemi stap fo eit o tenfala de moa wetem olketa, an bihaen, hemi godaon moa long Sisaria. Long neks de nomoa, hemi sidaon long kot, an hemi talem samfala man fo tekem kam Pol.

Aposol 26:31

an olketa lusim ples ya. An olketa go-gohed fo toktok tugeta long olketa seleva olsem, “Disfala man ya hemi nating duim enisamting, mekem hemi mas stap long prisin o hemi mas dae long hem ya.”

Aposol 28:18

Olketa man blong Rom olketa bin tekem mi long kot, an olketa wande fo letem mi go fri, bikos mi no bin duim enisamting wea hemi fitim fo olketa kilim mi dae long hem.

2 Korin 4:2

Mifala lusim go olketa ravis wei wea hemi staphaed, an no save laea, an no save sensim toktok blong God. Nomoa nao. Mifala talemaot nomoa tru toktok olowe, mekem God an olketa pipol i luksave long gudfala wei blong mifala.