Aposol 21:22 - Pijin Bible

²² ?So wanem nao bae yumi duim? Bae olketa save herem nomoa wea yu kasem long hia finis ya,

Pijin Deuterocanon

²² ?So wanem nao bae yumi duim? Bae olketa save herem nomoa wea yu kasem long hia finis ya,

Aposol 21:22 ပူးပေါင်းရင်းမြစ်များ

Aposol 15:12

Nao disfala toktok hemi barava mekem seksin ya kuaet fogud nao. An olketa gohed fo herem wanem Pol an Banabas tufala talem abaotem olketa mirakol an olketa saen wea God hemi mekem tufala fo duim long midol long olketa pipol hu i no Jiu.

Aposol 15:22

Nao olketa aposol an olketa nara lida wetem evriwan long sios, olketa agri fo siusim tufala man long olketa, an sendem olketa go long Antiok wetem Pol an Banabas. So olketa siusim tufala man wea olketa barava tinghae long tufala. Tufala ya nao Saelas wetem Jiudas wea nara nem blong hem Basabas.

Aposol 19:32

Nao olketa pipol hu i hipap ya olketa barava meknoes tumas nao. Wanfala seksin olketa singaotem wanfala samting, an nara seksin olketa singaotem moa narasamting, bikos plande long olketa i nating save waswe nao olketa hipap olsem.

Aposol 21:21

An olketa herem nius wea hemi sei yu bin gohed fo tisim olketa Jiu hu i stap long olketa nara kantri, wea olketa mas no mekem olketa boe fo kate an olketa mas no falom olketa kastom blong yumi. Ya, olketa bin herem dat yu talem olketa fo lusim Lo blong Mosis.

Aposol 21:23

so yu mas falom nao wanem mifala talem yu. Fofala man olketa stap wetem mifala wea olketa bin mekem wanfala promis wetem God.

1 Korin 14:15

?So olsem, wanem nao bae mi duim? Mi mas prea long langguis blong Holi Spirit an mi mas prea long langguis blong mi seleva tu. An mi mas singsing long langguis blong Holi Spirit an mi mas singsing long langguis blong mi seleva tu.