Aposol 20:28 - Pijin Bible

²⁸ So yufala mas lukaftarem yufala seleva gudfala, wetem evri pipol wea Holi Spirit hemi putum long han blong yufala. Yufala mas stap olsem olketa man fo lukaftarem olketa sipsip, an lukaftarem gud disfala sios blong God wea hemi bin peimaot taem San blong hem hemi dae olsem wanfala sakrifaes.

Pijin Deuterocanon

²⁸ So yufala mas lukaftarem yufala seleva gudfala, wetem evri pipol wea Holi Spirit hemi putum long han blong yufala. Yufala mas stap olsem olketa man fo lukaftarem olketa sipsip, an lukaftarem gud disfala sios blong God wea hemi bin peimaot taem San blong hem hemi dae olsem wanfala sakrifaes.

Aposol 20:28 ပူးပေါင်းရင်းမြစ်များ

Sams 74:2

Plis yu tingim mifala wea yu bin siusim mifala long bifoa kam yet. Bifoa kam, mifala slev nomoa ya, bat yu bin sevem mifala an mekem mifala fo kamap laen blong yu. An plis yu tingim tu maonten long Saeon wea yu bin stap long hem bifoa.

Provebs 10:21

Tok blong gud man, helpem pipol, krangge man dae falom krangge blong hem.

Aesaea 40:11

Hemi lukaftarem gudfala olketa pipol blong hem, olsem wanfala man hu hemi lukaftarem olketa sipsip blong hem. Ya, hemi olsem man hu hemi karim olketa smolwan long am blong hem, an hemi lidim olketa mami sipsip wea i garem pikinini fo go slou.

Aesaea 63:11

Long datfala taem, olketa tingim bifoa long taem blong Mosis wetem olketa pipol blong hem. Nao olketa ask olsem, “?Wea nao disfala Yawe, hu hemi sevem olketa pipol blong hem wetem olketa lida from solwata ya? ?An wea nao disfala Yawe, hu hemi givim Holi Spirit blong hem long Mosis?

Jeremaea 13:17

Bat sapos yufala no herem toktok ya, bae mi go long ples wea man hemi no save lukim mi, an mi gohed fo krae fo yufala, bikos yufala praod tumas. Bae mi barava krae, an tias blong mi i ran bikfala, bikos olketa enemi blong yumi bae olketa kam winim yumi an fosim yumi fo stap long narafala ples.

Jeremaea 13:20

!Olketa pipol blong Jerusalem! !Yufala lukim! !Distaem olketa enemi blong yufala i kam nao from not! Yufala i praod tumas long olketa taon long Jiuda wea God hemi givim long yufala fo lukaftarem olsem gudfala sipsip. ?Bat wea nao olketa taon ya?

Jeremaea 3:15

Nao bae mi siusim olketa gudfala lida hu i save obeim mi. Bae mi mekem olketa waes an garem save fo lidim yufala.

Jeremaea 31:10

“!Lisin kam gudfala long Mesij blong mi Yawe, yufala pipol blong olketa narafala kantri! !Yufala go talemaot long olketa kantri wea i stap barava farawe long yufala! Olketa pipol blong mi wea mi bin ronemaot olketa, bae mi tekem olketa kambaek moa, an mi lukaftarem olketa, olsem man hemi gohed fo lukaftarem olketa sipsip blong hem.

Esikiel 34:3

Hemi olsem wea yufala gohed fo kaikaim gris blong olketa sipsip ya, an yufala gohed fo werem olketa kaleko wea yufala mekem long wul blong olketa, an yufala gohed fo kilim olketa nambawan animol fo yufala kaikaim. Bat yufala nating lukaftarem olketa nomoa.

Esikiel 34:31

“Yufala pipol blong mi. Yufala olsem olketa sipsip blong mi, wea mi nao mi givim kaikai long yufala. Yufala i pipol nomoa, an mi nao God blong yufala. Hem nao mesij blong mi Lod Yawe.”

Maeka 5:4

Taem pikinini ya hemi kamap, bae hemi lukaftarem gudfala olketa pipol blong hem. Bae hemi rul ovarem olketa long paoa wea Yawe hemi givim long hem, an bae hemi rul nomoa long nem blong Yawe hu hemi King. Long datfala taem, olketa pipol blong hem bae i stap gudfala, bikos evri pipol long wol bae i luksave dat hemi garem bikfala paoa.

Maeka 7:14

(Profet) Yawe. Mifala i pipol blong yu wea yu siusim. Plis yu lukaftarem mifala gudfala olsem wea mifala olketa sipsip blong yu. Nomata mifala olketa sipsip blong yu i stap long bus, bat olketa graon wea hemi garem gudfala gras hemi stap raonem mifala. Plis yu letem mifala evri sipsip fo kaikai long gudfala gras ya long Basan an long Gilead, olsem wea olketa sipsip blong yu bin kaikai long hem bifoa.

Sekaraea 11:4

Yawe, hu hemi God blong mi, hemi tok olsem long mi, ?Yu mas kam fo lukaftarem olketa pipol olsem man fo lukaftarem sipsip. Olketa pipol ya i olsem sipsip wea pipol i makem finis fo kaikaim.

Matiu 16:18

So mi talem long yu, yu nao Pita wea yu olsem wanfala ston ya. An antap long disfala bikfala ston ya bae mi wakem sios blong mi long hem. An nomata paoa blong dae, bae hemi no save fo winim disfala sios.

Matiu 2:6

‘Betlehem long provins long Jiuda, yu nao wanfala long olketa nambawan taon long Jiuda, bikos wanfala king bae hemi kamaot long yu, an hem nao bae hemi lidim olketa pipol blong mi long Israel.’”

Gudnius abaotem Jisas Kraes wea Mak hemi raetem 13:9

“Yufala mas lukaot, bikos bae olketa tekem yufala go long kot, an bae olketa ki-kilim yufala moa insaet long olketa preahaos. An bikos olketa laek fo spoelem nem blong mi, bae olketa kotem yufala long ae blong olketa primia an olketa king tu. So bae yufala mas talemaot nao Gudnius long olketa ya,

Gudnius abaotem Jisas Kraes wea Luk hemi raetem 12:32

An Jisas hemi sei moa, “Yufala no fraet, nomata yufala smolfala seksin nomoa, bikos Dadi blong yufala hemi hapi tumas fo letem yufala stap insaet long kingdom blong hem.

Gudnius abaotem Jisas Kraes wea Luk hemi raetem 21:34

An Jisas hemi sei moa, “Yufala mas lukaot, nogud yufala gohed nomoa fo kaikai an dring an wari nomoa abaotem olketa samting long disfala laef. Nogud yufala seknomoa long de wea olketa samting ya hemi kasem yufala,

Aposol 13:2

Taem olketa ya i gohed fo wosipim God an stop fo no kaikai, Holi Spirit hemi tok kam long olketa olsem, “Yufala makem Banabas an Sol fo duim waka wea mi bin kolem tufala fo duim.”

Aposol 14:23

Nao long evri sios, tufala makem samfala pipol fo stap olsem lida blong olketa. An olketa stop fo no kaikai an olketa prea an tufala givim olketa Kristin ya long han blong Masta hu olketa biliv long hem finis.

Aposol 20:17

Nao long Maelitas, Pol hemi sendem go nius fo olketa lida long sios long Efesas fo olketa mas kam lukim hem.

Aposol 20:29

Bikos mi save dat taem mi lusim yufala finis, bae samfala ravis pipol olketa kam an traehad fo spoelem olketa pipol long sios ya.

Leta wea Pol hemi raetem go long sios long Rom 16:16

Yufala mas sei halo long olketa Kristin fren an kisim olketa long wei blong tru kristin brata o sista. Evri sios blong Kraes i sei halo go long yufala.

1 Korin 1:2

mitufala raet go long yufala long sios blong God long Korin. God hemi kolem yufala fo stap olsem olketa spesol pipol blong hem, an hemi mekem yufala kamap holi from yufala stap joen wetem Jisas Kraes. Hemi duim diswan tu long olketa evriwan long evri ples, hu olketa prea go long Jisas Kraes Masta blong yumi. Jisas nao hemi Masta blong olketa an blong yumi evriwan.

1 Korin 10:32

Yufala mas stap long wei wea yufala no spoelem eniwan, nomata hemi Jiu o hemi no Jiu o hemi blong sios blong God.

1 Korin 11:22

?Waswe, yufala no garem haos blong yufala seleva fo sidaon fo kaikai an dring long hem? !Yufala spoelem sios blong God ya, an yufala mekem olketa pipol wea olketa no garem eni kaikai fo filsem nao ya! ?Wanem nao bae mi talem yufala, bae mi tokhae long yufala? !Had tumas nao ya!

1 Korin 15:9

Bikos mi nao mi lou tumas nomoa long olketa nara aposol, an mi no fit fo olketa kolem mi aposol, bikos mi bin meksave long olketa long sios blong God.

1 Korin 6:20

bikos God nao hemi peimaot yufala finis an praes wea hemi peim nao hemi bikfala tumas. So yufala mas yusim bodi blong yufala fo mekhae long God nomoa.

Galesia 1:13

Yufala herem finis nao wanem mi bin gohed fo duim taem mi stap yet long wei blong olketa Jiu. Mi wakahad tumas fo mekful long olketa long sios blong God, an mi trae fo barava spoelem sios nao.

Efesas 1:14

An bikos yumi garem Holi Spirit nao, yumi barava save dat bae yumi garem wanem God hemi promis fo givim kam bifoa. Dastawe nao yumi save dat bae God hemi mekem olketa pipol blong hem fo barava stap fri finis wetem hem. !So yumi mas preisim God hu hemi nambawan tumas!

Efesas 1:7

Kraes hemi bin peimaot yumi long blad blong hem, wea hemi dae olsem wanfala sakrifaes fo tekemaot olketa sin blong yumi. Ya, disfala kaenfala lav blong God hemi barava nambawan tumas,

Efesas 4:11

An hem nao hemi givim olketa presen long yumi, wea hemi siusim samfala fo aposol, an samfala fo profet, an samfala fo evanjelis, an samfala fo pasto, an samfala fo tisa.

Filipae 1:1

Mi Pol wetem Timoti wea mitufala wakaman blong Jisas Kraes, mitufala raet go long yufala olketa lida an olketa man fo waka long sios long Filipae. Ya, mitufala raet go long yufala evriwan long Filipae wea yufala blong God an yufala stap joen wetem Jisas Kraes.

Kolosi 1:14

San Blong God ya hemi bin mekem yumi fri finis ya, wea hemi fogivim olketa sin blong yumi.

Kolosi 4:17

An yufala mas talem tu long Akipas fo hemi mas finisim gud disfala waka wea Masta hemi givim long hem.

1 Timoti 3:1

Disfala toktok ya hemi tru tumas ya. Sapos eniwan hemi wande fo waka olsem lida long sios, gudfala waka nao hemi wande fo duim ya.

1 Timoti 3:2

Dastawe no enisamting hemi mas rong long laef blong lida long sios ya, an hemi mas garem wanfala waef nomoa. An hemi mas save hao fo lukaftarem hem seleva gud an hemi mas no kros kuiktaem an hemi mas stapgud olowe. An hemi mas lukaftarem gud olketa pipol wea olketa kam kasem ples blong hem, an hemi mas savegud hao fo tis.

1 Timoti 3:5

?Sapos eniwan hemi no save lukaftarem famili blong hem seleva, hao nao hemi save lukaftarem sios blong God?

1 Timoti 4:14

Disfala spesol paoa wea yu garem, yu mas no letem hem fo stap nating. God nao hemi givim yu diswan, taem olketa profet i talemaot toktok abaotem yu an olketa lida long sios i putum han blong olketa antap long yu.

1 Timoti 4:16

Yu mas lukaftarem gud laef blong yu wetem olketa toktok wea yu gohed fo tisim ya. Sapos yu duim diswan, bae yu sevem yu seleva wetem olketa pipol hu i herem yu tu.

1 Timoti 5:17

Hemi fitim fo yufala mekhae long olketa lida hu i lukaftarem sios gudfala an givim gudfala wejis long olketa tu, olsem olketa hu i save gohed fo wakahad fo talemaot Gudnius an tisim olketa toktok blong God.

Taetas 1:7

Man hu hemi lida long sios hemi lukaftarem waka blong God. Dastawe nao laef blong hem mas stret gudfala. Hemi mas no bikhed an hemi mas no kros kuiktaem. Hemi mas no dring tumas, an hemi mas no man fo faet, an hemi mas no aftarem seleni.

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.

Hibrus 12:15

Yufala mas lukaot gud, mekem no eniwan long yufala hemi tanem baeksaet blong hem long kaenfala lav blong God ya. Nogud eniwan long yufala hemi kamap olsem wanfala poesen tri wea hemi save mekem plande pipol fo nogud.

Hibrus 13:17

Olketa lida blong yufala i lukaftarem laef blong yufala. An bihaen nao, bae olketa mas talem God abaotem wanem olketa bin duim. Dastawe yufala mas obeim olketa an tinghae long olketa, mekem olketa hapi long waka ya. Sapos yufala mekem waka blong olketa fo kamap hevi, bae hemi no save helpem yufala nao ya.

1 Pita 2:25

Bifoa, yufala olsem olketa sipsip wea i lus finis. Bat distaem, yufala kambaek moa long Man Fo Lukaftarem Sipsip, hu hemi save lukaftarem laef blong yufala.

1 Pita 2:9

Bat yufala ya, God hemi siusim yufala finis kamap pipol blong hem. Hemi mekem yufala olketa prist blong King, an olketa holi pipol blong hem. Yufala nao olketa pipol blong God, wea hemi siusim fo talemaot olketa gudfala waka wea hemi duim. God hemi kolem yufala finis, an yufala bin kamaot from tudak an kam insaet long gudfala laet blong hem.

1 Jon 1:7

Bat sapos yumi falom wei blong laet olsem God hemi long laet, bae yumi save stapgud tugeta olowe. An bae blad blong Jisas San Blong God, hemi mekem yumi barava klin from evri sin blong yumi.

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.