Aposol 15:37 - Pijin Bible

³⁷ Banabas hemi laekem tumas fo disfala man Jon Mak hemi go wetem tufala.

Pijin Deuterocanon

³⁷ Banabas hemi laekem tumas fo disfala man Jon Mak hemi go wetem tufala.

Aposol 15:37 ပူးပေါင်းရင်းမြစ်များ

Aposol 12:12

Taem hemi luksave long diswan finis, hemi go nao long haos blong Meri, mami blong disfala Jon hu nara nem blong hem Mak. Plande pipol nao olketa hipap finis long haos ya, an olketa gohed fo prea.

Aposol 12:25

Nao taem Banabas an Sol tufala finisim waka wea tufala kam fo duim long Jerusalem, tufala gobaek moa. An taem ya, tufala tekem go tu disfala Jon hu nara nem blong hem Mak.

Aposol 13:13

Pol an olketa hu i go wetem hem, olketa sel go long wanfala sip wea hemi goaot from Pefos fo go moa long provins long Pamfilia, wea olketa go long soa long taon long Pega. An long ples ya nao Jon Mak hemi lusim tufala, an hemi gobaek moa long Jerusalem.

Aposol 13:5

Taem olketa kasem taon long Salamis, tufala gohed fo talemaot toktok blong God insaet long olketa preahaos blong olketa Jiu. An taem ya, Jon Mak nao hemi go wetem tufala fo helpem tufala long waka.

Aposol 15:39

Raoa hemi gohed long midol long tufala abaotem diswan, an bae tufala go deferen nao. So Banabas hemi tekem Jon Mak wetem hem, an tufala go long wanfala sip an sel go kasem aelan long Saepras.

Kolosi 4:10

Nao Aristakas hu hemi stap wetem mi long prisin, hemi talem halo go long yufala ya, wetem Mak hu hemi kasin brata blong Banabas. Sapos Mak bae hemi go kasem ples blong yufala, yufala mas lukaotem hem gudfala olsem mi talem yufala finis.

2 Timoti 4:11

Luk nomoa hemi stap wetem mi, bikos mi sendem finis Tikikas long Efesas. Taem yu kam, yu mas tekem kam Mak bikos hemi save helpem mi gud long waka.

Filimon 1:24

Mak, an Aristakas, an Dimas, an Luk, hu olketa waka tugeta wetem mi, olketa talem halo go long yu.

1 Pita 5:13

Olketa long sios long Babilon olketa talem halo long yufala. God hemi siusim olketa olsem hemi siusim yufala tu. An Mak hu hemi olsem san blong mi, hemi talem tu halo long yufala.