Aposol 10:1 - Pijin Bible

¹ Long Sisaria wanfala man hemi stap, nem blong hem Konilias. Hemi bikman long ami long seksin blong olketa soldia wea olketa kolem “Seksin blong Itali”.

Pijin Deuterocanon

¹ Long Sisaria wanfala man hemi stap, nem blong hem Konilias. Hemi bikman long ami long seksin blong olketa soldia wea olketa kolem “Seksin blong Itali”.

Aposol 10:1 ပူးပေါင်းရင်းမြစ်များ

Matiu 27:27

Nao olketa soldia blong Paelat olketa tekem Jisas go fastaem insaet long bikfala haos blong gavman. An long taem ya, olketa soldia ya evriwan nao olketa hipap raonem hem.

Matiu 27:54

Long taem ya, bikman blong ami wetem olketa soldia blong hem, olketa gadem Jisas. An taem olketa lukim disfala etkuek an olketa narasamting wea hemi hapen ya, olketa barava fraet fogud nao an olketa sei, “!Disfala man ya hemi barava San Blong God tru ya!”

Gudnius abaotem Jisas Kraes wea Mak hemi raetem 15:16

Nao olketa soldia tekem Jisas go insaet long eria long midol long bikfala haos blong Paelat. An taem ya nomoa, olketa kolem olketa nara soldia fo kam wea olketa stap long ples ya.

Gudnius abaotem Jisas Kraes wea Luk hemi raetem 7:2

Long taon ya nao wakaman blong wanfala bikman blong ami blong Rom, hemi sik tumas an hemi kolsap fo dae nao. Disfala bikman blong ami ya hemi lavem tumas disfala wakaman ya.

Gudnius abaotem Jisas Kraes wea Jon hemi raetem 18:12

Long taem ya, disfala seksin long olketa soldia wetem bos blong olketa an olketa Jiu wea olketa save sekiuriti long Tambuhaos, olketa kasholem Jisas an olketa taemapem han blong hem nao.

Gudnius abaotem Jisas Kraes wea Jon hemi raetem 18:3

So Jiudas hemi lidim kam wanfala seksin blong olketa soldia blong Rom wetem samfala sekiuriti blong Tambuhaos wea olketa hedprist an olketa Farasi olketa bin sendem olketa kam. Olketa holem go olketa lam an olketa samting fo faet.

Aposol 10:24

Long neks de moa bihaen, olketa jes kasem Sisaria nao. An Konilias hemi stap weit fo Pita hemi kam, an hemi bin kolem kam olketa long famili blong hem wetem olketa gudfren blong hem tu fo hipap kam.

Aposol 21:31

Nao taem olketa stat fo kilim Pol dae nomoa, nius hemi go kasem kapten long ami blong Rom. Nius ya hemi sei evri pipol long Jerusalem olketa gohed fo mekem bikfala trabol tumas.

Aposol 21:8

Long neks de moa, mifala lusim taon ya an mifala go long biktaon long Sisaria. Mifala go stap long haos blong Filip hu hemi man fo talemaot Gudnius. Hemi wanfala long olketa sevenfala man wea bifoa olketa bin siusim olketa long Jerusalem.

Aposol 22:25

Bat taem olketa bin taemapem hem fo wipim hem nomoa, Pol hemi askem wanfala bikman blong ami hu hemi stanap kolsap, an hemi sei, “?Waswe, yufala tingse hemi no agensim lo, fo yufala wipim mi man blong Rom wea yufala no kotem mi yet?”

Aposol 23:23

Nao kapten hemi kolem kam tufala bikman blong hem, an hemi talem tufala olsem, “Yutufala mas mekredi long 200 soldia fo go long Sisaria long naenklok long naet nao. An yutufala mas mekredi tu 70 soldia hu olketa raedem olketa hos, an 200 soldia moa hu olketa save faet wetem spia.

Aposol 23:33

Taem olketa kasem biktaon long Sisaria, olketa givim go disfala leta long Primia Filiks nao, an olketa givim go Pol long han blong hem tu.

Aposol 25:1

Trifala de bihaen Festas hemi kam fo stap long disfala provins, hemi lusim Sisaria an hemi goap kasem Jerusalem.

Aposol 25:13

Samfala de bihaen, King Agripa an sista blong hem Benis tufala kam lukim Festas long Sisaria.

Aposol 27:1

Taem olketa talemaot finis wea bae mifala mas go long sip fo go long kantri long Itali, olketa givim Pol wetem samfala man moa long prisin, long han blong wanfala bikman blong ami. Hemi soldia blong bikfala King long Rom an nem blong hem Jiulias.

Aposol 27:31

Bat Pol hemi tok olsem long bikman blong ami an olketa soldia blong hem, “Sapos olketa kru ya no stap kuaet long sip, bae God hemi no sevem yufala ya.”

Aposol 27:43

Bat disfala bikman blong ami hemi wande fo sevem laef blong Pol so hemi stopem olketa soldia fo no duim diswan. Hemi talem evriwan hu i save suim gudfala fo jam go long si fastaem, mekem olketa save suim go long soa.

Aposol 8:40

Seknomoa, Filip hemi kasem taon long Asotas. So hemi go-goraon long evri taon long eria ya an hemi gohed fo talemaot disfala Gudnius, go-go hemi kasem biktaon long Sisaria.