Aesaea 44:24 - Pijin Bible

²⁴ Yawe nao, hu hemi mekem yufala insaet long bele blong mami blong yufala, an hemi mekem yufala fo kamap fri, hemi tok olsem, “Mi nao Yawe an mi nao mi mekem evrisamting. Mi seleva nao mi mekem skae an evrisamting wea hemi stap long hem. An taem mi mekem disfala wol, no eniwan hemi helpem mi.

Pijin Deuterocanon

²⁴ Yawe nao, hu hemi mekem yufala insaet long bele blong mami blong yufala, an hemi mekem yufala fo kamap fri, hemi tok olsem, “Mi nao Yawe an mi nao mi mekem evrisamting. Mi seleva nao mi mekem skae an evrisamting wea hemi stap long hem. An taem mi mekem disfala wol, no eniwan hemi helpem mi.

Aesaea 44:24 ပူးပေါင်းရင်းမြစ်များ

Stori abaotem Job 26:7

Hemi putum skae blong not long wanfala emti ples, an hemi mekem disfala wol stap long ples wea no enisamting i holem hem.

Stori abaotem Job 31:15

Disfala sem God wea hemi mekem mi long bele blong mami blong mi, hemi tu hemi mekem olketa ya long bele blong mami blong olketa.

Stori abaotem Job 37:18

?Waswe, long taem olsem, yu save helpem God fo putumap skae long antap olsem wanfala glas wea hemi saen?

Stori abaotem Job 9:8

Hem seleva nomoa hemi mekem olketa samting wea i stap long skae, an hemi step long olketa wev fo mekem dipsi i kuaet.

Sams 104:2

an laet wea hemi stap raonem yu hemi somaot bikfala paoa blong yu ya. Yu bin putumap skae olsem wanfala haostent,

Sams 136:6

Hemi stanemap graon ya, long dipsi. Ya, bikos hemi tinghevi long yumi olowe.

Sams 71:6

Mi bin trastem yu oltaem long laef blong mi. Stat long taem wea mi bin bon, ka-kam kasem tude, yu nao yu gohed fo lukaftarem mi olowe. So bae mi mas preisim yu olowe.

Sams 78:35

Olketa tingim nomoa wea God hu hemi hae tumas, hem nao hemi gadem olketa an hemi sevem olketa.

Aesaea 40:22

!Yawe nao hemi mekem evrisamting ya! Hem nao hemi rul ovarem disfala wol olsem king hu hemi sidaon long tron blong hem. An long ae blong hem olketa pipol i smol an wik olsem olketa grashopa nomoa. Ya, hemi mekem skae wea hemi waed tumas, olsem man hemi putumap wanfala haostent fo stap long hem.

Aesaea 41:14

Nomata yufala blong Israel i wik tumas, yufala mas no fraet, bikos bae mi helpem yufala.” Hem nao mesij blong Yawe, hu hemi Holi God blong Israel an hu hemi mekem yufala fri.

Aesaea 42:5

(Profet) Yawe nao hemi God hu hemi putumap skae olsem wanfala haostent. Hem nao hemi mekem graon long disfala wol an kavarem wetem evri gudfala samting. Hemi givim laef fo evri pipol long disfala wol. Yawe nao hemi tok olsem long wakaman blong hem,

Aesaea 43:1

Bat Yawe hu hemi mekem yufala olketa pipol blong Israel, hemi tok olsem, “Yufala no fraet, bikos mi nao mi mekem yufala fri. An mi nao mi kolem nem blong yufala. Yufala pipol blong mi ya.

Aesaea 43:14

Yawe nao, hu hemi Holi God blong Israel an hu hemi mekem yufala fri, hemi tok olsem, “Bikos mi laek fo sevem yufala, bae mi sendem ami fo faetem olketa long Babilon. An bae mi fosim olketa blong Babilon fo ranawe go insaet long olketa sip wea olketa pipol i bin barava praod long hem bifoa.

Aesaea 43:7

Ya, evriwan long olketa spesol pipol blong mi wea mi bin mekem olketa fo liftimap nem blong mi, bae i kambaek long mi.”

Aesaea 44:6

Yawe hu hemi garem evri paoa nao, hemi King blong Israel an hemi mekem yufala fri. Hemi tok olsem, “Mi nomoa mi God. An mi nao mi faswan bifoa evrisamting, an bae mi laswan tu bihaenem evrisamting ya. Ya, no eni narafala god moa hemi stap.

Aesaea 45:12

Mi nao mi mekem disfala wol, wetem evrisamting ya wea hemi stap long hem. Mi nao mi mekem man, an mi putum fo stap long wol ya. Long paoa blong mi, mi mekem skae an evrisamting long hem. An mi nomoa mi Masta long san an mun, an olketa sta long skae.

Aesaea 45:18

Yawe nao hemi God hu hemi mekem skae wetem evrisamting wea hemi stap long hem, an hemi mekem tu disfala wol fo hemi strong, an hemi save stap longtaem. Hemi no mekem disfala wol fo stap nating, hemi mekem fo pipol i stap long hem. Yawe nao hemi tok olsem, “Mi nao Yawe. No eni narafala god moa hemi stap.

Aesaea 45:7

Mi nao mi mekem delaet an tudak. Ya, mi tu mi save givim gudfala laef an mekem olketa trabol fo kasem pipol. Mi Yawe nao mi duim evrisamting ya.

Aesaea 45:8

!Skae an olketa klaod! Letem stretfala wei blong mi kamdaon long wol olsem ren. !Graon! Letem wei blong mi fo sevem man hemi kamap olsem gras, an letem stretfala wei blong mi hemi grouap tu. Mi Yawe nao mi duim olketa samting ya.”

Aesaea 48:13

Mi nao mi mekem disfala wol an mi putum skae long antap. An taem mi kolem tufala nomoa, skae an graon i redi nao fo obeim mi.

Aesaea 48:17

Yawe nao, hu hemi Holi God blong Israel an hu hemi mekem yufala fri, hemi tok olsem, “Mi nao Yawe, an mi nao God blong yufala. Mi nao mi tisim yufala mekem yufala kamap gud. An mi lidim yufala long wei wea yufala mas falom.

Aesaea 49:1

Wakaman blong Yawe hemi tok olsem, “!Lisin kam long mi, yufala hu i stap kam long olketa farawe kantri! Bifoa, taem mi no bon yet, Yawe hemi siusim mi finis. Hemi kolem nem blong mi fo kamap wakaman blong hem.

Aesaea 49:26

Bae mi mekem olketa hu i mekem yufala fo safa, fo kamap kros fogud go-go olketa i olsem olketa drang man, an gohed fo kilim olketa seleva dae. Nao evri pipol bae i save dat mi Yawe nao mi sevem yufala. An bae olketa save tu dat mi nao strongfala God blong Jekob, hu mi mekem yufala fri.”

Aesaea 49:7

Yawe hemi Holi God hu hemi mekem Israel fri. Hemi tok long man wea pipol barava heitem hem an hu hemi wakaman blong olketa man fo rul. Yawe nao hemi tok olsem, “Olketa king bae i lukim yu an stanap fo mekhae long yu. Olketa bikman tu bae i baodaon fo onarem yu.” Olketa samting ya bae hemi hapen, bikos Yawe hu hemi Holi God blong Israel, hemi no save brekem promis blong hem, an hemi siusim yu finis olsem wakaman blong hem.

Aesaea 51:13

?Waswe, yufala fogetem mi nao? Mi nomoa mi mekem yufala. Mi nao mi putum skae long barava ples blong hem, an mi nao mi mekem disfala wol ya. ?Waswe nao yufala fraetem tumas olketa hu i gohed fo mekem yufala safa an olketa hu i redi fo spoelem yufala? Kros blong olketa ya bae hemi no save kasem yufala.

Aesaea 54:5

Mi nao mi mekem yufala, an mi olsem hasban long yufala. Nem blong mi nao Yawe hu mi garem evri paoa, an mi nao mi Holi God blong Israel hu mi mekem yufala fri an mi rul ovarem evri ples long wol.

Aesaea 54:8

Fo lelebet taem nomoa mi bin kros long yufala an mi bin lusim yufala. Bat mi tinghevi long yufala olowe nao, an bae mi sore tumas long yufala.” Hem nao toktok blong Yawe hu hemi mekem yufala fri.

Aesaea 59:20

Hem ya mesij blong Yawe. Hemi tok olsem, “Mi nao God hu mi mekem yufala fri, an bae mi kam long Saeon, fo helpem yufala long laen blong Jekob hu i tanem baek tingting blong yufala from olketa sin blong yufala.

Aesaea 60:16

Olketa king an olketa pipol blong olketa narafala kantri bae i lukaftarem yufala, olsem mami hu hemi susum bebi blong hem. Long datfala taem, bae yufala jes save dat mi Yawe nao mi sevem yufala. An bae yufala save tu dat mi nao God blong Jekob, hu mi strong tumas an mi mekem yufala fri.

Aesaea 63:16

!Yu nao yu tru Dadi blong mifala! Nomata tufala grani blong mifala, Ebraham an Jekob, tufala no save nomoa long mifala hu i bon kam bihaen. Bat Lod Yawe, yu nao yu tru Dadi blong mifala, bikos oltaem, yu nao yu mekem mifala fri.

Jeremaea 10:12

God hemi mekem disfala wol long paoa blong hem nomoa. Long waes blong hem, hemi putum wol ya fo stap strong, an long save blong hem, hemi putum skae long ples blong hem.

Jeremaea 50:34

Bat God ya hu hemi mekem olketa fri, hemi barava strong. Hem nao mi ya, an nem blong mi nao Yawe hu mi garem evri paoa. Mi nomoa mi saetem olketa, an bae mi mekem olketa save res gudfala long lan blong olketa. Bat bae mi mekem bikfala trabol fo kasem olketa pipol blong Babilonia.”

Jeremaea 51:15

God hemi mekem disfala wol long paoa blong hem nomoa. Long waes blong hem, hemi putum wol ya fo stap strong, an long save blong hem, hemi putum skae long ples blong hem.

Sekaraea 12:1

Wanfala profesi: Hem ya nao Mesij blong Yawe abaotem Israel. Yawe hu hemi mekem skae an disfala wol, an givim laef long man, hemi tok olsem,

Gudnius abaotem Jisas Kraes wea Jon hemi raetem 1:3

An long hem nao God hemi mekem evrisamting. So evrisamting wea hemi stap long wol ya, Toktok nao hemi mekem.

Galesia 1:15

Bat from kaenfala lav blong God, hemi siusim mi taem mi insaet long bele blong mami blong mi yet, an hemi kolem mi fo waka fo hem. An long taem wea hem seleva hemi tingim,

Efesas 3:9

An hemi sendem mi go fo helpem evriwan fo save abaotem disfala plan blong God wea hemi bin staphaed. God hu hemi mekem evrisamting, hemi bin mekem disfala plan fo staphaed olowe nomoa kam kasem distaem.

Hibrus 1:2

Bat long distaem wea hemi no longtaem fo wol ya bae hemi finis, God hemi sendem kam San blong hem fo talemaot toktok blong hem long yumi. Long San blong hem nao, God hemi mekem skae an wol ya, an God hemi siusim hem fo onam evrisamting ya.

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.