Aesaea 44:15 - Pijin Bible

¹⁵ Man ya hemi yusim haf long tri ya fo faeawud, mekem hemi kukim kaikai long hem, an fo hotem hem. An narafala haf long sem tri ya, hemi wakem long wanfala kaving god wea hemi baodaon long hem fo wosipim.

Pijin Deuterocanon

¹⁵ Man ya hemi yusim haf long tri ya fo faeawud, mekem hemi kukim kaikai long hem, an fo hotem hem. An narafala haf long sem tri ya, hemi wakem long wanfala kaving god wea hemi baodaon long hem fo wosipim.

Aesaea 44:15 ပူးပေါင်းရင်းမြစ်များ

2 Kronikols 25:14

Taem King Amasaea hemi kambaek from faet wea olketa kilim dae plande man blong Idom, hemi tekem kam olketa god blong olketa. Den hemi stanemap olketa tambu kaving ya, an hemi gohed fo wosip long olketa, an hemi bonem olketa sakrifaes long olketa.

Aesaea 2:8

Lan ya hemi barava fulap long olketa laea god, an olketa pipol i wosipim nomoa olketa god wea olketa seleva nomoa i wakem.

Aesaea 44:10

Hemi barava krangge fo wanfala man hemi wakem wanfala kaving long aean, nao hemi wosipim olsem god blong hem. !Pis aean ya hemi no save helpem hem!

Aesaea 44:14

Disfala man ya maet go long bus fo katem wanfala sida tri, o wanfala ok tri, o wanfala saepras tri fo wakem kaving olsem long hem. O maet hemi plantem wanfala narakaen tri, nao hemi weit fo ren hemi renem mekem hemi grou gudfala, go-go hemi kamap bikfala, nao hemi save katemdaon tri ya fo yusim.

Aesaea 44:16

!Yufala tingim fastaem diswan! Wanfala haf long stik ya, man ya hemi mekem faea fo bonem mit blong hem fo hemi kaikaim mekem hemi fulap. Taem blong tukol, hemi hotem hem seleva long faea ya, an hemi tok olsem, “!Man, mi hot gudfala nao! !Faea ya hemi barava nambawan!”

Aesaea 44:17

Bat long narafala haf long sem stik ya, hemi wakem long wanfala kaving, wea hemi gohed fo baodaon long hem, an hemi wosipim olsem god blong hem. Hemi gohed fo prea long hem olsem, “!Yu nao yu god blong mi! !Plis yu sevem mi!”

Aesaea 45:20

Yawe hemi tok olsem, “!Yufala evriwan long olketa narafala kantri hu i laef yet, yufala mas hipap kam mekem yumi kot! Samfala pipol i karim olobaot olketa kaving god blong olketa wea olketa mekem nomoa long stik. An olketa gohed fo prea long olketa god ya, wea hemi nating garem nomoa eni paoa fo sevem olketa. Diskaen pipol ya i nating save nomoa long enisamting.

Aesaea 46:6

Olketa pipol i openem paos blong olketa, an kapsaetem olketa gol o silva fo skelem olketa. Nao olketa peim wanfala man mekem hemi wakem gol an silva long wanfala kaving god long hem. Bihaen, olketa baodaon long hem, an wosipim hem.

Revelesin 9:20

Bat evri pipol wea olketa no dae long bikfala panis ya, olketa no lusim ravis wei blong olketa fo wosipim olketa laea god wea olketa seleva i wakem. Olketa gohed nomoa fo wosipim olketa devol an olketa tambu kaving blong gol an silva an bras an ston an stik. Olketa tambu kaving ya i nating save lukluk o herem enisamting o wakabaot tu.

Jajis 2:19

Bat taem sif blong olketa hemi dae, evriwan i gobaek moa fo falom olketa ravis wei. An olketa gohed fo duim olketa samting wea hemi barava nogud moa winim olketa wei blong olketa dadi blong olketa. Olketa falom olketa narafala god an olketa gohed fo wosipim olketa. An oltaem nomoa, olketa gohed fo bikhed an olketa no save lusim olketa nogud wei blong olketa.