Aesaea 38:15 - Pijin Bible

¹⁵ ?Bat wanem nao mi save talem? Hemi tok long mi finis, an hem nao hemi duim olketa samting ya. Bae mi no tinghae moa long mi seleva taem mi laef yet, bikos mi filim trabol insaet long spirit blong mi.

Pijin Deuterocanon

¹⁵ ?Bat wanem nao mi save talem? Hemi tok long mi finis, an hem nao hemi duim olketa samting ya. Bae mi no tinghae moa long mi seleva taem mi laef yet, bikos mi filim trabol insaet long spirit blong mi.

Aesaea 38:15 ပူးပေါင်းရင်းမြစ်များ

1 Kings 21:27

Taem king hemi herem toktok blong profet, hemi filnogud tumas an tingting blong hem hemi barava wikdaon fogud. Hemi brekem kaleko blong hem, an hemi werem olketa ravis kaleko nomoa. Hemi no kaikai, an hemi go slip wetem olketa ravis kaleko ya. An hemi barava sore tumas.

2 Kings 4:27

Den taem hemi kam long maonten kolsap long man blong God, hemi godaon holem lek blong hem. Nao Gehasi hemi stat fo pusum hem aot, bat man blong God hemi tok olsem, “Yu letem hem. Hemi filnogud tumas. Bat Yawe hemi haedem samting ya an no talem long mi.”

Esra 9:10

“Bat God blong mifala. Mifala mekem barava bikfala sin nao. ?Wanem nao bae mifala save talem long yu? Mifala bin gohed fo les fo obeim olketa strongfala toktok wea yu bin givim long mifala.

Stori abaotem Job 10:1

Mi les nao long laef blong mi. So bae mi talemaot komplen blong mi. Ya, bae mi tokaot long wei wea mi barava filnogud nao.

Stori abaotem Job 21:25

An samfala pipol moa i sore an filnogud tumas an nating stap gudfala nomoa go-go kasem taem olketa dae.

Stori abaotem Job 7:11

Tingting blong mi hemi fulap long trabol, so mi no save stap kuaet, mi mas tok. Mi barava filnogud tumas, so mi mas komplen nao.

Sams 116:1

Mi lavem Yawe tumas, bikos hemi lisin long prea blong mi. Ya, hemi herem olketa prea blong mi.

Provebs 31:6

Bia hemi blong olketa wea kolsap olketa dae, an waen hem blong olketa hu filnogud long ravis laef blong olketa.

Aesaea 38:17

Hemi gud fo mi safa olsem, mekem mi luksave wea bikfala lav blong yu hemi sevem mi from olketa bikfala trabol. An yu tekemaot finis olketa sin blong mi, an torowem finis bihaen long yu, an yu fogetem olketa finis nao.

Gudnius abaotem Jisas Kraes wea Jon hemi raetem 12:27

Nao Jisas hemi sei moa, “Long distaem, tingting blong mi hemi barava trabol tumas nao. ?An wanem nao bae mi save talem? ?Bae mi sei, ‘Oo Dadi, plis yu no letem disfala had samting fo kasem mi’? Nomoa, mi mas go insaet long disfala hadtaem nao ya. Dastawe nao mi kam long disfala wol ya.

Josua 7:8

Masta, mi no save nao wanem fo talem. Bikos, olketa enemi i winim mifala finis an ronem mifala kambaek nao.