3 Jon 1:9 - Pijin Bible

⁹ Mi raetem finis wanfala sot leta go long olketa pipol long sios, bat Daeotrefis hemi wande haemapem hem seleva olowe an hemi nating laek fo herem toktok blong mi.

Pijin Deuterocanon

⁹ Mi raetem finis wanfala sot leta go long olketa pipol long sios, bat Daeotrefis hemi wande haemapem hem seleva olowe an hemi nating laek fo herem toktok blong mi.

3 Jon 1:9 ပူးပေါင်းရင်းမြစ်များ

Matiu 7:8

Bikos eniwan hu hemi askem God fo enisamting, bae God hemi givim long hem, an eniwan hu hemi kam long God fo lukaotem enisamting, bae hemi save faendem, an eniwan hu hemi noknok long doa blong God, bae God hemi openem doa fo hem.

Gudnius abaotem Jisas Kraes wea Mak hemi raetem 9:34

Bat olketa stap kuaet nomoa, bikos taem olketa wakabaot kam long rod ya, olketa bin gohed fo raoa tugeta long olketa seleva abaotem hu nao hemi nambawan man long olketa.

Gudnius abaotem Jisas Kraes wea Mak hemi raetem 9:37

“Eniwan wea hemi kaen long wanfala pikinini olsem ya long nem blong mi, hemi kaen long mi nao ya. An eniwan hu hemi kaen long mi, hemi no kaen long mi seleva nomoa bat hemi kaen long man hu hemi sendem mi kam tu.”

Gudnius abaotem Jisas Kraes wea Luk hemi raetem 9:48

Bihaen, hemi tok olsem long olketa disaepol, “Eniwan hu hemi kaen long disfala pikinini ya long nem blong mi, hemi kaen long mi nao ya. An eniwan wea hemi kaen long mi, hemi kaen long man hu hemi sendem mi kam tu ya. So hemi olsem tu, eni man long yufala wea hemi mekem hem seleva fo lou, hem nao hemi nambawan man long yufala evriwan.”

Leta wea Pol hemi raetem go long sios long Rom 12:10

Yufala mas lavem yufala evriwan gudfala, olsem brata. Yufala mas tinghae long olketa nara Kristin winim yufala seleva.

Kolosi 1:18

An Kraes nao hemi hed blong sios, an sios nao hemi olsem bodi blong hem, an laef blong sios ya nao hemi kamaot long hem. Hemi faswan wea hemi laefbaek moa from dae, olsem hem nomoa hemi nambawan long evrisamting ya.

2 Jon 1:9

Eniwan hu hemi no falom tising blong Kraes bat hemi adem go enikaen samting moa long disfala tising, God no save stap wetem hem ya. Bat eniwan hu hemi gohed strong fo falom tising blong Kraes, God Dadi wetem San blong hem bae tufala stap wetem hem.

3 Jon 1:8

So hemi fitim fo yumi lukaftarem olketa man olsem, mekem yumi evriwan save waka tugeta fo talemaot disfala tru toktok.