3 Jon 1:6 - Pijin Bible

⁶ Taem olketa kam long hia, olketa bin talem evriwan long sios hao yu lavem olketa. So enitaem olketa kasem yu, yu mas helpem olketa long wei wea God hemi hapi long hem, mekem olketa save gohed long gogo blong olketa moa.

Pijin Deuterocanon

⁶ Taem olketa kam long hia, olketa bin talem evriwan long sios hao yu lavem olketa. So enitaem olketa kasem yu, yu mas helpem olketa long wei wea God hemi hapi long hem, mekem olketa save gohed long gogo blong olketa moa.

3 Jon 1:6 ပူးပေါင်းရင်းမြစ်များ

Jenesis 4:7

Sapos wei blong yu hemi stret, bae ae blong yu hemi jes luk hapi. Bat bikos wei blong yu hemi no stret, disfala nogud wei ya hemi olsem wanfala wael animol wea hemi stap kolsap long yu an hemi redi fo spoelem yu. Disfala nogud wei ya hemi laekem tumas fo winim yu ya, bat yu mas winim hem.”

Jona 4:4

Yawe hemi tok olsem, “Jona. ?Waswe, hemi stret nomoa fo yu kamap kros olsem?”

Aposol 15:29

Yufala mas no kaikaim eni kaikai wea olketa bin sakrifaesim go long olketa laea god, an yufala mas no kaikaim blad, an yufala mas no kaikaim eni animol wea olketa bin satem maos blong hem fo hem dae, an yufala mas no durong wetem eniwan tu. Hemi gud tumas nao sapos yufala barava falom olketa rul ya. Hem nomoa ya.”

Aposol 15:3

Olketa long sios i helpem olketa long gogo blong olketa, an olketa wakabaot gopas long provins long Fonisia an long provins long Samaria. An olketa talemaot hao plande pipol hu i no Jiu olketa bin stat fo biliv long Jisas. An olketa Kristin long olketa ples ya olketa barava hapi fogud fo herem diswan.

Aposol 21:5

Bat taem olketa de i go finis nomoa, mifala lusim ples ya fo go moa. An evriwan long olketa, nomata olketa waef an olketa pikinini, olketa joenem mifala fo goaot from taon go kasem saet si. An long sanbis nao mifala evriwan i nildaon an prea.

Leta wea Pol hemi raetem go long sios long Rom 15:24

so mi tingting fo visitim yufala tu taem mi go long kantri long Spen. Bae mi stapgud wetem yufala fo lelebet taem nomoa, an bihaen mi laekem yufala fo helpem mi long gogo blong mi long Spen.

2 Korin 1:16

Hemi olsem bikos mi plan fo lukim yufala taem mi goap long provins long Masedonia, an bae mi lukim yufala moa long taem mi kambaek. Mi tingse bae yufala nao save helpem mi fo go kasem Jiudia.

Filipae 4:14

Bat nomata olsem, hemi gud tumas wea yufala bin helpem mi taem mi stap insaet long hadtaem.

Kolosi 1:10

Sapos olsem, bae laef blong yufala hemi save kamap stret long ae blong Masta. An bae yufala save mekem hem hapi tumas long wei blong yufala, wea yufala save go-gohed fo duim enikaen gudfala waka an yufala save gohed fo savegud moa abaotem God.

1 Tesalonaeka 2:12

Mifala bin gohed fo mekem tingting blong yufala fo kamap strong moa. An mifala gohed tu fo tokstrong long yufala, mekem yufala falom olketa gudfala wei wea hemi stret long ae blong God. Hem nao hemi kolem yufala fo kam insaet long kingdom blong hem.

Taetas 3:13

An yu mas traehad fo helpem Apolos an disfala loea ya Sinas. Yu mas meksua tufala no sot long enisamting wea tufala nidim long gogo blong tufala.

1 Pita 2:20

Sapos yufala stanap strong taem olketa panisim yufala from olketa nogud samting yufala bin duim, hemi samting nating nomoa ya. Bat sapos yufala stanap strong taem olketa panisim yufala taem yufala bin duim gudfala samting, diswan hemi barava gud tumas long ae blong God.

3 Jon 1:12

Olketa pipol sei Demitrias nao hemi wanfala gudfala man, an tru toktok hemi somaot diswan tu. An mifala talemaot tu dat hemi gudfala man, an yufala save finis nao dat wanem mifala talemaot hemi barava tru.