2 Timoti 4:21 - Pijin Bible

²¹ Yu mas traehad fo kasem hia bifoa taem blong raf si. Yubiulas hemi talem kam halo long yu, an Piudens an Laenas an Klodia tu talem kam halo long yu, an olketa evri Kristin fren tu.

Pijin Deuterocanon

²¹ Yu mas traehad fo kasem hia bifoa taem blong raf si. Yubiulas hemi talem kam halo long yu, an Piudens an Laenas an Klodia tu talem kam halo long yu, an olketa evri Kristin fren tu.

2 Timoti 4:21 ပူးပေါင်းရင်းမြစ်များ

Gudnius abaotem Jisas Kraes wea Luk hemi raetem 12:58

Taem wanfala man hemi tekem yu go long kot, yu mas traehad fo stretem disfala trabol wetem hem, taem yutufala no kasem kot yet. Nogud hemi tekem yu go long frant blong jaj, an jaj hemi givim yu go long han blong olketa pulis, an olketa pulis i putum yu go insaet long prisin.

1 Korin 16:20

An evri Kristin long hia olketa sei halo go long yufala. Nao taem yufala talem halo long yufala evriwan, hemi gud fo yufala kisim yufala long wei blong olketa tru fren.

2 Korin 13:13

Evriwan long olketa pipol blong God olketa sei halo go long yufala.

Filipae 4:22

Olketa Kristin tu long haos blong bikfala King long Rom, an evri pipol blong God long hia, olketa sei halo long yufala.

2 Timoti 1:4

Mi tingimbaek tu taem yu krae long bifoa, an diswan hemi mekem mi wande lukim yu tumas, mekem mi filhapi moa.

2 Timoti 4:13

An yu tekem kam disfala longfala kaleko wea mi livim wetem Kapas long Troas. An tekem kam tu olketa buk blong mi wetem olketa wea olketa wakem long skin blong nanigot.

2 Timoti 4:9

Yu mas traehad fo kam kuiktaem long mi.

Taetas 3:12

Nao long taem wea bae mi sendem Atemas o Tikikas go kasem yu, yu mas traehad fo kam lukim mi long taon long Nikopolis. Long taon ya nao mi tingting fo go stap long hem long taem blong raf si.

2 Jon 1:13

Olketa pikinini blong gudfala sista blong yu, i talem halo go long yufala.

3 Jon 1:14

Mi laekem tumas fo kam kuiktaem, mekem yumitufala save stori gud.