2 Timoti 4:11 - Pijin Bible

^11-12 Luk nomoa hemi stap wetem mi, bikos mi sendem finis Tikikas long Efesas. Taem yu kam, yu mas tekem kam Mak bikos hemi save helpem mi gud long waka.

Pijin Deuterocanon

^11-12 Luk nomoa hemi stap wetem mi, bikos mi sendem finis Tikikas long Efesas. Taem yu kam, yu mas tekem kam Mak bikos hemi save helpem mi gud long waka.

2 Timoti 4:11 ပူးပေါင်းရင်းမြစ်များ

Hosia 14:4

Yawe hemi tok olsem, “Kros blong mi long olketa blong Israel hemi finis nao. So, bae mi somaot bikfala lav blong mi fo olketa. Nomata olketa bin falom olketa nogud wei, bae mi mekem olketa fo gudbaek moa.

Matiu 19:30

Bat plande pipol hu olketa nambawan long distaem, bae olketa kamap las moa. An plande pipol hu olketa las long distaem, bae olketa kamap nambawan moa.”

Matiu 20:16

An Jisas hemi sei moa, “So olketa pipol hu i las long distaem, bae olketa kamap nambawan moa. An olketa hu i nambawan long distaem, bae olketa kamap las moa.”

Gudnius abaotem Jisas Kraes wea Luk hemi raetem 13:30

Mi talem long yufala, samfala pipol hu olketa las long distaem, bae olketa kamap nambawan moa. An samfala pipol hu olketa nambawan long distaem, bae olketa kamap las moa.”

Aposol 12:12

Taem hemi luksave long diswan finis, hemi go nao long haos blong Meri, mami blong disfala Jon hu nara nem blong hem Mak. Plande pipol nao olketa hipap finis long haos ya, an olketa gohed fo prea.

Aposol 12:25

Nao taem Banabas an Sol tufala finisim waka wea tufala kam fo duim long Jerusalem, tufala gobaek moa. An taem ya, tufala tekem go tu disfala Jon hu nara nem blong hem Mak.

Aposol 15:37

Banabas hemi laekem tumas fo disfala man Jon Mak hemi go wetem tufala.

Aposol 15:39

Raoa hemi gohed long midol long tufala abaotem diswan, an bae tufala go deferen nao. So Banabas hemi tekem Jon Mak wetem hem, an tufala go long wanfala sip an sel go kasem aelan long Saepras.

Aposol 16:10

So taem Pol hemi lukim drim ya finis, semtaem nomoa mifala mekredi nao fo go long Masedonia, bikos mifala luksave dat God hemi kolem mifala fo go talemaot disfala Gudnius long olketa pipol long Masedonia.

Kolosi 4:10

Nao Aristakas hu hemi stap wetem mi long prisin, hemi talem halo go long yufala ya, wetem Mak hu hemi kasin brata blong Banabas. Sapos Mak bae hemi go kasem ples blong yufala, yufala mas lukaotem hem gudfala olsem mi talem yufala finis.

Kolosi 4:14

Gudfala fren blong yumi Luk hu hemi dokta, hem wetem Dimas tufala talem halo go long yufala.

2 Timoti 1:15

Yu save dat Fijelas an Hemojenis wetem olketa nara pipol long provins long Esia olketa bin lusim mi nao bikos olketa filsem tumas long mi.

2 Timoti 2:21

Sapos eniwan hemi mekem laef blong hem fo klin gud from olketa ravis samting mi tokabaotem ya, bae hemi stap olsem wanfala man hu hemi holi an fit fo duim olketa spesol waka fo Masta blong hem. Bae hemi stap redi nomoa fo duim eni gudfala waka.

Filimon 1:24

Mak, an Aristakas, an Dimas, an Luk, hu olketa waka tugeta wetem mi, olketa talem halo go long yu.

1 Pita 5:13

Olketa long sios long Babilon olketa talem halo long yufala. God hemi siusim olketa olsem hemi siusim yufala tu. An Mak hu hemi olsem san blong mi, hemi talem tu halo long yufala.