2 Timoti 3:7 - Pijin Bible

⁷ an olketa traehad oltaem fo lanem plande samting bat olketa no save minim wanem hemi tru.

Pijin Deuterocanon

⁷ an olketa traehad oltaem fo lanem plande samting bat olketa no save minim wanem hemi tru.

2 Timoti 3:7 ပူးပေါင်းရင်းမြစ်များ

Provebs 14:6

Man fo toknogud i save lukaotem waes tingting, bat no save kasem. Man hu hemi garem gud tingting, hemi kasem save.

Matiu 13:11

Nao Jisas hemi sei long olketa, “Mi duim olsem bikos God hemi bin givim finis save long yufala fo luksave long olketa tru samting wea hemi staphaed insaet long kingdom long Heven. Bat olketa pipol ya, God hemi no givim save long olketa.

Gudnius abaotem Jisas Kraes wea Jon hemi raetem 5:44

Yufala laekem tumas fo olketa pipol i tinghae long yufala, bat God hu hem nomoa hemi God, yufala nating wari fo duim enisamting fo mekem hem tinghae long yufala. So hemi had tumas fo yufala bilivim mi tu ya.

Efesas 4:14

Den, bae yumi no olsem olketa pikinini wea olketa save ran go olobaot fo lisin long enikaen laea tising. Bae yumi no olsem smolfala bot wea strongfala win an bikfala wev save pusum olobaot long si. Bae yumi no falom olketa laea tisa wea olketa laekem yumi fo go long rong wei an falom olketa trik blong olketa nomoa.

Diutronomi 29:4

Bat kam kasem distaem, hemi no openem tingting blong yufala, mekem yufala minim olketa samting wea hemi kamap. Hemi no openem ae blong yufala fo luksave long olketa samting ya, an hemi no openem ia blong yufala tu, mekem yufala heremsave.

1 Timoti 2:4

Hemi laekem evri pipol fo kasem tru laef an fo save long Gudnius wea hemi tru tumas.

2 Timoti 2:25

An hemi mas save hao fo stretem olketa pipol hu i agensim tising blong hem. Sapos hemi duim olsem long isi wei nomoa, maet God bae hemi save helpem olketa fo sensim tingting blong olketa, mekem bae olketa savegud long barava tru toktok.

Hibrus 5:11

Mifala garem plande samting moa fo talem go long yufala abaotem hao nao Jisas hemi kamap Haeprist olsem Melkisedek, bat hemi had tumas fo tisim yufala gud bikos yufala slou tumas fo lanem olketa samting ya.