2 Timoti 3:15 - Pijin Bible

¹⁵ Stat kam taem yu smolfala yet, yu save finis long Buktambu. An tising blong hem save givim gudfala tingting long yu an save helpem yu fo trastem Jisas Kraes, mekem God save sevem yu.

Pijin Deuterocanon

¹⁵ Stat kam taem yu smolfala yet, yu save finis long Buktambu. An tising blong hem save givim gudfala tingting long yu an save helpem yu fo trastem Jisas Kraes, mekem God save sevem yu.

2 Timoti 3:15 ပူးပေါင်းရင်းမြစ်များ

2 Kronikols 34:3

Long taem wea King Josaea hemi yangfala yet, long mekeit yia wea hemi king, hemi stat fo falom God blong olfala grani blong hem King Deved. An long mektuel yia, hemi stat fo mekem olketa ples long Jerusalem an long Jiuda fo klin moa long ae blong Yawe. Hemi spoelem olketa tambuples, an hemi aotem olketa tambu kaving blong Asera an olketa narafala tambu kaving.

Sams 19:7

Lo blong Yawe hemi barava stret fogud, an hemi mekem yumi fo filstrong moa. Hemi fitim fo yumi trastem olketa rul blong Yawe, an hemi gohed fo givim waes long olketa wea i no waes.

Sams 71:17

God, stat long taem wea mi yangfala yet, yu bin gohed fo tisim mi, an mi gohed yet fo talemaot olketa bikfala samting wea yu bin duim.

Provebs 22:6

Tisim pikinini fo falom stretfala wei, taem hemi bikman, bae hemi no lusim.

Provebs 8:17

Lavem mi, bae mi lavem yu. Lukaotem mi, bae yu faendem mi.

Eklesiastes 12:1

Taem yu yang yet, yu mas tingim God hu hemi mekem yu. Yu mas tingim hem bifoa taem blong olketa trabol hemi kam kasem yu. Long taem ya, bae yu tok olsem, “Mi nating hapi nao long laef ya.”

Matiu 22:29

Nao Jisas hemi ansarem olketa olsem, “Yufala ya, yufala nating save long Buktambu an yufala nating save long paoa blong God ya, dastawe nao yufala garem rong tingting olsem.

Gudnius abaotem Jisas Kraes wea Luk hemi raetem 1:15

Evriwan bae i hapi bikos bae hemi wanfala bikman long ae blong God, an bae hemi mas no dringim waen o enisamting olsem. An nomata taem hemi stap yet long bele blong mami blong hem, bae hemi fulap long Holi Spirit nao.

Gudnius abaotem Jisas Kraes wea Luk hemi raetem 2:40

An pikinini ya hemi grouap kam, an tingting blong hem hemi kamap strong an hemi kamap barava waes fogud tu. An oltaem nomoa God hemi barava blesim hem.

Gudnius abaotem Jisas Kraes wea Luk hemi raetem 24:27

An Jisas hemi stat fo talemaot klia nao long tufala ya wanem nao olketa bin raetem abaotem hem insaet long Buktambu, stat kam long olketa buk blong Mosis an olketa buk blong olketa profet.

Gudnius abaotem Jisas Kraes wea Luk hemi raetem 24:32

Nao tufala gohed fo toktok olsem, “Maewat, taem hemi toktok long yumitufala long rod ya an hemi gohed fo talemaot klia olketa samting long Buktambu ya, yumitufala heremgud tumas mekem yumitufala hapi long hem ya.”

Gudnius abaotem Jisas Kraes wea Luk hemi raetem 24:45

Nao hemi openem tingting blong olketa, mekem olketa save minimgud olketa toktok insaet long Buktambu.

Gudnius abaotem Jisas Kraes wea Jon hemi raetem 5:47

Bat bikos yufala no bilivim wanem Mosis hemi raetem abaotem mi, yufala no save bilivim toktok blong mi tu ya.”

Aposol 10:43

Evri profet olketa bin toktok abaotem hem tu an talemaot dat sapos eniwan hemi biliv long Jisas, bae God hemi save fogivim olketa sin blong hem bikos long paoa long nem blong Jisas.”

Aposol 13:29

Taem olketa bin duim evrisamting long Jisas olsem olketa profet i bin talem bifoa, olketa tekem bodi blong hem from kros, an olketa go berem hem insaet long wanfala kev.

Aposol 16:1

Pol an Saelas tufala go kasem taon long Debe, an bihaen, tufala go moa long taon long Listra, wea wanfala Kristin, nem blong hem Timoti nao, hemi stap. Mami blong man ya hemi wanfala Jiu hu hemi Kristin, bat dadi blong hem hemi man blong Grik.

Aposol 17:2

an Pol hemi go fo prea wetem olketa olsem hemi save duim oltaem. Long trifala Sabat de nao hemi go an stori wetem olketa an hemi ridim olketa toktok long Buktambu,

Aposol 26:24

Nao taem Pol hemi gohed fo talem diswan, Festas hemi singaot bikfala olsem, “!Pol, yu toktok krangge tumas ya! !Yu bin stadim olketa buk olowe an dastawe yu kamap krangge finis!”

Leta wea Pol hemi raetem go long sios long Rom 1:2

Disfala Gudnius ya God hemi promisim kam bifoa, wea olketa profet i raetemdaon insaet long Buktambu.

Leta wea Pol hemi raetem go long sios long Rom 16:26

Bat distaem nao, God hu hemi laef olowe, hemi somaot disfala toktok long wanem olketa profet olketa raetem finis. An hemi talem yumi fo talemaot disfala toktok, mekem olketa pipol long evri ples long wol olketa save biliv long God an obeim hem.

Leta wea Pol hemi raetem go long sios long Rom 2:27

An olketa hu i falom wanem Lo hemi talem, nomata olketa no barava kate long bodi, wei blong olketa nao bae jajem yufala, bikos nomata yufala garem Lo long Buk an nomata yufala kate, yufala gohed nomoa fo brekem Lo.

1 Korin 1:21

God hemi falom waes tingting blong hem, an hemi mekem hem had tumas fo olketa pipol i savegud long God falom tingting blong olketa seleva. Bat God hemi laek fo yusim disfala toktok wea yumi talemaot, mekem hemi sevem olketa hu i biliv long hem. Hemi duim diswan, nomata samfala pipol i tingse toktok ya hemi krangge nomoa.

Efesas 6:4

Yufala olketa dadi, yufala mas no mekem olketa pikinini blong yufala fo kamap kros tumas. Bat yufala mas lukaftarem olketa gud an tisim olketa long wei blong Masta.

Diutronomi 4:6

An yufala mas falom an obeim olketa lo ya, an long datfala wei hemi save som long olketa narafala pipol wea yufala i waes tumas an save tumas. An taem olketa herem abaotem olketa lo ya, bae olketa save tok olsem, ‘!Hemi tru nao, pipol blong Israel i garem save! !An olketa i waes fogud!’

1 Timoti 4:13

An long distaem wea yu weitem mi fo kambaek, yu gohed nomoa fo ridimaot Buktambu an fo talemaot Gudnius an tisim olketa pipol gudfala.

2 Timoti 1:1

Mi Pol wea God hemi mekem mi kamap aposol blong Jisas Kraes fo mi talemaot disfala laef wea God hemi promisim evriwan dat olketa joen wetem Jisas Kraes.

2 Timoti 1:5

Mi tingimbaek disfala strongfala biliv wea yu garem ya, olsem olo grani blong yu Lois, an mami blong yu Yunis tufala garem finis. Mi barava save dat yu garem strongfala biliv olsem tufala.

2 Pita 3:16

Long evri leta blong hem nao, hemi raetem semsamting taem hemi tokabaotem olketa samting ya. Olketa leta blong Pol i garem samfala toktok wea i had fo minim gud. An samfala pipol hu i no garem gudfala save an tingting blong olketa hemi no stret, olketa gohed nao fo sensim mining blong olketa toktok blong Pol. An olketa duim semsamting tu long olketa nara toktok wea hemi stap long Buktambu. Bat long disfala wei, bae olketa barava mekem bikfala trabol kasem olketa seleva nao.

Revelesin 19:10

Nao mi nildaon long frant blong enjel ya fo wosipim hem, bat hemi tok olsem long mi, “!Nomoa, yu no wosipim mi! Mi wanfala wakaman olsem yu nomoa ya. Mi olsem olketa Kristin fren blong yu nomoa, wea olketa gohed fo trastem olketa tru toktok wea Jisas hemi talemaot. !Yu mas wosipim God nomoa! Bikos olketa tru toktok wea Jisas hemi talemaot ya, hem nao paoa wea hemi helpem olketa profet fo talemaot profesi.

1 Samuel 2:18

Bat long taem ya, disfala pikinini Samuel hemi gohed waka fo Yawe. Hemi werem wanfala tambu kaleko blong prist.