2 Tesalonaeka 3:7 - Pijin Bible

⁷ Yufala seleva save finis nao dat yufala mas falom olketa wei blong mifala. Taem mifala stap wetem yufala, mifala no les fo duim waka.

Pijin Deuterocanon

⁷ Yufala seleva save finis nao dat yufala mas falom olketa wei blong mifala. Taem mifala stap wetem yufala, mifala no les fo duim waka.

2 Tesalonaeka 3:7 ပူးပေါင်းရင်းမြစ်များ

Provebs 31:18

Hemi savegud hao fo mekem bisnis blong hem, an plande taem, hemi waka long naet.

1 Korin 11:1

So yufala mas falom wei blong mi, olsem mi tu mi falom wei blong Kraes.

1 Korin 4:16

So mi barava laekem yufala fo trae fo falom wei blong mi.

Filipae 3:17

Nao olketa Kristin fren, yufala mas gohed fo falom wanem mi duim. Yufala mas lane gud long eksampol blong eniwan hu hemi falom wei wea mifala bin som finis long yufala.

Filipae 4:9

Yufala mas gohed long olketa wei wea mi bin tisim yufala an yufala tekem finis, olsem olketa samting yu herem from mi an lukim mi duim. An God hu hemi save givim piis long yumi, bae hemi stap wetem yufala.

1 Tesalonaeka 2:10

Yufala save an God tu hemi save dat wei blong mifala fo helpem yufala hu i biliv, hemi klin an hemi barava stret an no enisamting hemi rong long hem.

1 Tesalonaeka 5:14

Olketa Kristin fren, mifala talem strong moa long yufala fo wonem olketa hu i les tumas fo waka. Yufala mas helpem olketa hu i fraet tumas, an strongim moa tingting blong olketa. Yufala mas helpem olketa wea tingting blong olketa hemi wik tumas, an no raf long eniwan.

2 Tesalonaeka 3:6

Olketa Kristin fren, long nem blong Jisas Kraes Masta blong yumi, mifala tokstrong go long yufala ya. Yufala mas no joen wetem olketa Kristin hu i les tumas fo duim waka an olketa no falom olketa toktok wea mifala talem finis long yufala.

2 Tesalonaeka 3:9

Taem mifala duim olsem, hemi no minim wea mifala no garem raet fo askem yufala fo helpem mifala. Nomoa ya. Bat mifala laek fo somaot gudfala wei fo yufala, mekem yufala save falom.

1 Timoti 4:12

Yu no letem eniwan fo tingdaonem yu from yu yangfala man nomoa. Nomoa ya. Yu mas somaot gudfala wei long olketa Kristin pipol, mekem olketa save falom yu long toktok blong yu an long laef blong yu an long lav blong yu an long biliv blong yu an long stretfala wei blong yu.

Taetas 2:7

Yu Taetas, yu mas somaot gudfala wei long olketa, mekem olketa save falom yu. An tising blong yu mas stret oltaem, mekem olketa pipol save tinghevi long hem.

1 Pita 5:3

Hemi nogud sapos yufala bosim tumas olketa hu i stap long han blong yufala. Bat hemi gud fo yufala somaot gudfala wei long olketa, mekem olketa save falom eksampol blong yufala olsem olketa sipsip save falom man wea hemi lukaftarem olketa.