2 Tesalonaeka 3:4 - Pijin Bible

⁴ An Masta blong yumi nao hemi mekem mifala save dat yufala falom nomoa wanem mifala bin talem long yufala finis. An mifala save tu dat bae yufala gohed olsem olowe.

Pijin Deuterocanon

⁴ An Masta blong yumi nao hemi mekem mifala save dat yufala falom nomoa wanem mifala bin talem long yufala finis. An mifala save tu dat bae yufala gohed olsem olowe.

2 Tesalonaeka 3:4 ပူးပေါင်းရင်းမြစ်များ

Matiu 28:20

An yufala mas tisim olketa fo falom evrisamting wea mi bin talem long yufala. An bae mi nao mi stap wetem yufala olowe go-go kasem en long wol.”

Leta wea Pol hemi raetem go long sios long Rom 15:14

Olketa Kristin fren, mi bilivim tumas dat yufala gohed fo tingim olketa gudfala samting oltaem an yufala garem enikaen save nomoa, mekem yufala save tisim yufala seleva.

Leta wea Pol hemi raetem go long sios long Rom 15:18

Bat bae mi tokabaotem nomoa wanem Kraes hemi duim long waka blong mi, wea mi lidim olketa pipol hu i no Jiu fo obeim God. Taem Kraes hemi duim diswan long mi long paoa blong Holi Spirit, hemi waka long wanem mi talemaot an duim, an hemi yusim paoa blong olketa saen an mirakol. So long evri ples, stat kam long Jerusalem go kasem Ilirikam, mi talemaot finis Gudnius blong Kraes.

Leta wea Pol hemi raetem go long sios long Rom 2:7

Olketa pipol hu i gohed fo duim gudfala waka fo mekem God hemi mekhae long nem blong olketa an tinghae long olketa an mekem olketa no save dae, olketa ya nao bae God hemi givim disfala tru laef wea hemi no save finis.

1 Korin 14:37

Sapos wanfala man hemi tingse hem nao niusman blong God an hem nao garem paoa blong Holi Spirit, hemi mas save dat wanem mi raetem go long yufala ya hemi strongfala toktok blong Masta nao.

1 Korin 7:19

Bikos nomata man hemi kate o nomoa, hemi samting nating. Bikfala samting nao hemi fo obeim olketa lo blong God.

2 Korin 2:3

Dastawe mi raetem nara leta ya long yufala, bikos mi no wande lukim yufala long datfala taem. Nogud yufala hu i save mekem mi hapi, bae yufala mekem mi filnogud. Mi biliv dat sapos mi hapi, bae yufala evriwan hapi tu.

2 Korin 2:9

Mi raetem leta ya long yufala lastaem bikos mi wande testem yufala an lukim sapos yufala wiling olowe fo duim wanem mi talem.

2 Korin 8:22

An mifala sendem go moa nara brata blong mifala wetem tufala ya. Plande taem mifala bin testem hem, an mifala save finis dat hemi wiling tumas fo duim enikaen waka nomoa. An distaem hemi barava wiling tumas fo duim disfala waka bikos hemi trastem yufala tumas.

Galesia 5:10

Bat bikos yumi stap joen wetem Masta, mi barava save dat bae yufala falom nomoa tingting blong mi ya. An nomata hu nao disfala man hu hemi trae fo spoelem tingting blong yufala, bae God hemi panisim hem.

Filipae 1:6

An mi barava save dat God hu hemi bin statem disfala gudfala waka long laef blong yufala, bae hemi gohed fo finisim long datfala De blong Jisas Kraes.

Filipae 2:12

Olketa fren blong mi, yufala bin obeim mi olowe taem mi stap wetem yufala. So yufala mas gohed fo duim diswan tu nomata mi no stap wetem yufala. God hemi sevem yufala, so yufala mas tinghevi an tinghae long hem an gohed nomoa fo wakahad fo kasem wanem hemi makem fo yufala.

1 Tesalonaeka 4:10

An hemi tru wea yufala gohed finis fo lavem olketa nara Kristin hu i stap evriwea long provins long Masedonia. So mifala askem yufala fo gohed strong moa long disfala wei.

2 Tesalonaeka 3:12

So long nem blong Jisas Kraes Masta blong yumi, mifala tokstrong go long olketa ya. Olketa mas stap long gudfala wei an olketa mas wakahad fo garem kaikai blong olketa seleva.

2 Tesalonaeka 3:6

Olketa Kristin fren, long nem blong Jisas Kraes Masta blong yumi, mifala tokstrong go long yufala ya. Yufala mas no joen wetem olketa Kristin hu i les tumas fo duim waka an olketa no falom olketa toktok wea mifala talem finis long yufala.

Filimon 1:21

Mi raetem olketa toktok ya go long yu, bikos mi save dat bae yu duim wanem mi askem. An mi save tu dat bae yu duim gudfala samting moa winim olketa toktok blong mi.