2 Tesalonaeka 3:2 - Pijin Bible

² An plis yufala prea tu dat God bae hemi tekemaot mifala from han blong olketa barava nogud pipol. Bikos yufala save, plande pipol nao no trastem Gudnius.

Pijin Deuterocanon

² An plis yufala prea tu dat God bae hemi tekemaot mifala from han blong olketa barava nogud pipol. Bikos yufala save, plande pipol nao no trastem Gudnius.

2 Tesalonaeka 3:2 ပူးပေါင်းရင်းမြစ်များ

Matiu 17:17

Nao Jisas hemi sei, “Maewat, yufala olketa pipol blong distaem ya, wei blong yufala hemi ravis tumas an yufala nating biliv long God. ?Haomas taem nao mi mas stap wetem yufala? !Hemi had tumas distaem fo mi stap wetem yufala! !Tekem kam boe ya long mi!”

Matiu 23:23

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala save givim go long God wan-tent long olketa smolfala kaen samting fo suitim kaikai wea yufala save tekem long gaden. Bat yufala nating wari nomoa fo obeim olketa bikfala tising blong Lo, olsem fo mekem evrisamting stret fo olketa pipol, an fo sore an kaen long olketa, an fo kipim promis olowe. Olketa smolfala samting ya yufala mas duim, bat yufala mas no fogetem tu olketa bikfala samting ya moa.

Gudnius abaotem Jisas Kraes wea Luk hemi raetem 18:8

Mi talem long yufala, bae hemi helpem olketa fo stretem trabol blong olketa ya kuiktaem nomoa. ?Bat waswe taem mi San Blong Man mi kambaek, bae mi save lukim plande pipol hu olketa biliv long mi tu o nomoa?”

Aposol 13:45

Bat taem olketa bikman blong Jiu i lukim olketa plande pipol olsem, olketa barava joles fogud nao. An olketa gohed fo tok agensim evrisamting wea Pol hemi talem, an olketa tok nogud abaotem hem.

Aposol 13:50

Bat olketa bikman blong Jiu ya, olketa mekem olketa lida long taon ya wetem olketa bik woman hu i wosipim God fo agensim Pol an Banabas. An olketa mekem olketa pipol fo meksave long tufala an raosim tufala goaot from eria blong olketa.

Aposol 14:2

Bat samfala Jiu hu olketa nating biliv, olketa stori wetem olketa pipol hu i no Jiu, mekem olketa kros tumas an mekem olketa go agensim olketa Kristin.

Aposol 17:5

Bat olketa bikman blong Jiu olketa barava joles fogud, so olketa go faendem olketa nogud man long taon an olketa hipimap plande pipol moa an olketa mekem bikfala raoa tumas fo kamap insaet long taon ya. An olketa ran go long haos blong Jeson fo lukaotem Pol an Saelas, mekem olketa save tekem tufala go long olketa bikman.

Aposol 25:27

Bikos mi ting olsem hemi nating stret fo mi sendem disfala man go long Rom, sapos mi no talem stret olketa samting wea hemi bin duim rong.”

Aposol 28:24

Nao samfala man olketa bilivim toktok blong hem, bat samfala moa olketa nating bilivim nao.

Leta wea Pol hemi raetem go long sios long Rom 10:16

Bat i no evri pipol blong Israel nao olketa biliv long Gudnius ya. Hemi olsem Aesaea hemi talem insaet long Buktambu, “?Masta, haomas pipol nao i bin bilivim nius blong mifala?”

Leta wea Pol hemi raetem go long sios long Rom 15:31

Yufala mas prea fo olketa pipol long Jiudia hu i no biliv, mekem olketa no save spoelem mi. An yufala mas prea fo olketa pipol blong God long Jerusalem, mekem olketa save hapi long olketa seleni wea mi tekem kam fo helpem olketa ya.

1 Korin 15:32

Ya, mi olsem faetem olketa wael animol finis long hia long Efesas ya. ?Nao sapos mi bin duim diswan falom tingting blong man nomoa, wanem nao mi winim? Sapos olketa hu i dae finis olketa no save laefbaek moa, bae mi falom disfala tingting, “Yumi go-gohed kaikai an dring nomoa, bikos tumoro nao bae yumi dae.”

Diutronomi 32:20

“Yawe hemi sei long yufala, ‘Distaem mi haed long yufala. So bae mi lukim wanem hemi spoelem yufala, bikos yufala pipol i bikhed tumas, an yufala pikinini i nating tinghevi long mi.

1 Tesalonaeka 2:18

So mifala traehad tumas fo kambaek moa long ples blong yufala. An mi Pol, tu-tri taem nao mi traehad finis fo faendem samfala wei fo kam lukim yufala, bat Seitan nao hemi blokem ka-kam blong mifala.

2 Timoti 4:17

Bat Masta bin helpem mi an givim paoa long mi, mekem mi save talemaot evri pat long Gudnius mekem evri pipol hu i no Jiu save herem. An hemi bin helpem mi, mekem olketa no jajem mi fo dae.