2 Tesalonaeka 3:15 - Pijin Bible

¹⁵ Bat yufala mas no mekem hem kamap enemi blong yufala. Hemi gud fo yufala wonem hem nomoa, bikos hem nao hemi Kristin fren blong yufala.

Pijin Deuterocanon

¹⁵ Bat yufala mas no mekem hem kamap enemi blong yufala. Hemi gud fo yufala wonem hem nomoa, bikos hem nao hemi Kristin fren blong yufala.

2 Tesalonaeka 3:15 ပူးပေါင်းရင်းမြစ်များ

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Provebs 25:12

Taem waes man tok fo stretem man hu hemi save lisin, hemi olsem naesfala gol ring an sen.

Provebs 9:9

Tisim waes man bae hemi waes go moa, tisim stret man bae hemi save go moa

Matiu 18:15

An Jisas hemi sei moa, “Sapos brata blong yu hemi duim enisamting agensim yu, yu mas go lukim hem, mekem yutufala stretem disfala samting long yutufala seleva. Sapos hemi wiling fo herem wanem yu talem, oraet, yu bin helpem brata blong yu fo yutufala stapgud moa ya.

1 Korin 4:14

Mi no raetem disfala toktok long yufala fo mekem yufala filsem. Nomoa. Mi lavem yufala olsem olketa pikinini blong mi, an mi laek fo stretem tingting blong yufala nomoa.

1 Korin 5:5

An bae yumi mas givim go disfala man long han blong Seitan fo hemi spoelem bodi blong hem. Long wei ya, bae God nao hemi save sevem spirit blong hem long disfala De blong Masta.

2 Korin 10:8

Masta hemi givim mifala paoa fo strongim biliv blong yufala, an hemi no fo daonem yufala. An nomata mi tokpraod lelebet abaotem disfala paoa, mi no save filsem long diswan.

2 Korin 13:10

Dastawe mi raetem go disfala leta taem mi no stap wetem yufala yet. Bikos taem bae mi go kasem yufala, mi no laek fo hatem yufala long wei wea mi mas yusim disfala paoa blong Masta. Paoa ya hemi givim long mi, mekem mi save strongim biliv blong yufala, an no fo spoelem yufala.

Galesia 6:1

Olketa Kristin fren, sapos wanfala man hemi duim samfala sin, yufala hu i falom Holi Spirit nao, yufala mas helpem hem fo kamap stret moa. An yufala mas duim diswan long wei wea hemi no raf. Bat yufala mas lukaot, nogud yufala tu duim semkaen sin.

1 Tesalonaeka 5:14

Olketa Kristin fren, mifala talem strong moa long yufala fo wonem olketa hu i les tumas fo waka. Yufala mas helpem olketa hu i fraet tumas, an strongim moa tingting blong olketa. Yufala mas helpem olketa wea tingting blong olketa hemi wik tumas, an no raf long eniwan.

2 Tesalonaeka 3:13

Nao yufala olketa Kristin fren, yufala mas no taet fo duim olketa gudfala waka.

2 Tesalonaeka 3:6

Olketa Kristin fren, long nem blong Jisas Kraes Masta blong yumi, mifala tokstrong go long yufala ya. Yufala mas no joen wetem olketa Kristin hu i les tumas fo duim waka an olketa no falom olketa toktok wea mifala talem finis long yufala.

Taetas 3:10

Yu mas trae fo stretem eniwan hu hemi tisim pipol abaotem samting wea hemi mekem olketa raoa an divaed olobaot. Sapos yu wonem hem tufala taem finis, bat hemi no wiling fo obeim yu, yu mas tanem baeksaet long hem.