2 Tesalonaeka 2:10 - Pijin Bible

¹⁰ Bae hemi yusim tu enikaen ravis trik nomoa fo laea long olketa pipol wea bae olketa gohed fo lus. Bae olketa lus, bikos olketa no wiling fo lavem an fo falom tru toktok abaotem Masta wea hemi save sevem olketa.

Pijin Deuterocanon

¹⁰ Bae hemi yusim tu enikaen ravis trik nomoa fo laea long olketa pipol wea bae olketa gohed fo lus. Bae olketa lus, bikos olketa no wiling fo lavem an fo falom tru toktok abaotem Masta wea hemi save sevem olketa.

2 Tesalonaeka 2:10 ပူးပေါင်းရင်းမြစ်များ

Provebs 1:7

Stat blong save nao, yu tinghae long Yawe. Bat krangge pipol les long waes toktok an nating falom gudfala advaes.

Provebs 8:17

Lavem mi, bae mi lavem yu. Lukaotem mi, bae yu faendem mi.

Matiu 13:11

Nao Jisas hemi sei long olketa, “Mi duim olsem bikos God hemi bin givim finis save long yufala fo luksave long olketa tru samting wea hemi staphaed insaet long kingdom long Heven. Bat olketa pipol ya, God hemi no givim save long olketa.

Gudnius abaotem Jisas Kraes wea Jon hemi raetem 3:17

God hemi no sendem kam San blong hem long disfala wol fo jajem evriwan, bat hemi kam fo sevem olketa pipol long wol ya.

Gudnius abaotem Jisas Kraes wea Jon hemi raetem 5:34

Mi ya, mi no talem diswan bikos mi mas garem nara man fo talem gud samting abaotem mi, bat mi talem diswan, mekem yufala savegud long hao fo kasem tru laef.

Leta wea Pol hemi raetem go long sios long Rom 10:1

Olketa Kristin fren, mi laekem tumas fo God bae hemi sevem olketa wantok blong mi, an mi prea go long God oltaem fo diswan hemi hapen.

Leta wea Pol hemi raetem go long sios long Rom 16:18

Olketa pipol olsem, olketa no waka wetem Kraes Masta blong yumi, bat olketa falom nomoa ravis tingting blong olketa seleva. Olketa save yusim suit toktok an olketa save laea nomoa fo trikim olketa pipol hu i no savegud long wei blong olketa.

Leta wea Pol hemi raetem go long sios long Rom 6:17

Long bifoa, yufala ya wakaman blong sin, bat distaem, yufala barava falom nao olketa tru toktok wea olketa tisim yufala finis. !Yumi mas toktengkiu long God from diswan!

1 Korin 1:18

Disfala toktok abaotem dae blong Kraes long kros, hemi olsem toktok krangge long olketa hu i go-gohed fo lus from God. Bat yumi hu God hemi se-sevem yumi, yumi save dat disfala toktok nao hemi paoa blong God fo sevem yumi.

1 Korin 16:22

Eniwan hu hemi no save lavem Masta, panis blong God bae i kasem hem. !Masta blong mifala, yu kam!

2 Korin 11:13

Olketa man ya, olketa no tru aposol bat olketa laea aposol nomoa. Olketa laea long waka blong olketa, an olketa trae fo mekem olketa seleva fo luk olsem tru aposol blong Kraes.

2 Korin 11:15

So yumi no sapraes dat olketa wakaman blong hem i save mekem olketa seleva fo luk olsem wakaman blong wanem hemi stret. Bat long Lasde, bae olketa panis falom wanem olketa bin duim.

2 Korin 2:15

Mifala olsem insens wea Kraes hemi bonem fo mekhae long God. An disfala smel hemi go kasem evriwan wea God hemi gohed fo sevem olketa, an evriwan wea olketa gohed fo lus from God.

2 Korin 2:17

Mifala no olsem plande nara pipol wea olketa talemaot toktok blong God bikos olketa laek fo winim seleni. Nomoa. God nao hemi siusim mifala, an mifala toktru olowe long ae blong hem. Bikos mifala stap joen wetem Kraes, mifala talemaot toktok blong hem olsem wakaman blong God.

Efesas 4:14

Den, bae yumi no olsem olketa pikinini wea olketa save ran go olobaot fo lisin long enikaen laea tising. Bae yumi no olsem smolfala bot wea strongfala win an bikfala wev save pusum olobaot long si. Bae yumi no falom olketa laea tisa wea olketa laekem yumi fo go long rong wei an falom olketa trik blong olketa nomoa.

1 Tesalonaeka 2:16

An olketa traehad fo stopem mifala fo no talemaot toktok blong God long olketa pipol hu i no Jiu, mekem God no sevem olketa. Long diskaen wei, olketa gohed fo sin tumas nao. So God hemi barava kros long olketa nao.

2 Tesalonaeka 2:12

Bikos olketa no biliv long tru toktok, an olketa hapi fo duim olketa ravis samting, God bae hemi jajem olketa ya.

2 Tesalonaeka 2:13

Olketa Kristin fren, Masta blong yumi hemi lavem yufala tumas. Ya, hemi fitim fo mifala talem tengkiu long God fo yufala, bikos God hemi siusim yufala, mekem yufala nao olketa faswan fo hemi sevem. Hemi sevem yufala bikos Holi Spirit hemi mekem yufala holi an bikos yufala biliv long disfala tru toktok.

1 Timoti 2:4

Hemi laekem evri pipol fo kasem tru laef an fo save long Gudnius wea hemi tru tumas.

Hibrus 3:13

Bat yufala mas gohed fo helpem yufala evriwan fo gohed strong. Yufala mas gohed fo duim diswan evri de taem yumi gohed fo kolem olketa de ya “tude”, mekem yufala no bikhed fo falom laea blong Seitan.

2 Pita 2:12

Bat olketa laea tisa ya, wande faet tumas olsem olketa wael animol wea hemi fitim fo olketa kilim olketa dae nomoa. Bikos olketa laea tisa ya i gohed nomoa fo tok nogud abaotem enikaen samting wea olketa no save long hem, olketa nara pipol nao bae olketa kilim dae olketa laea tisa ya.

2 Pita 2:18

Olketa gohed fo talem olketa praod toktok wea hemi krangge tumas. Olketa gohed fo toksuit mekem olketa pipol wande duim olketa samting blong wei blong sin. An from disfala wei nao, olketa save pulumbaek olketa pipol hu i trae fo lusim ravis wei blong olketa.