2 Samuel 8:13 - Pijin Bible

¹³ Bihaen, Deved an ami blong hem i go faetem olketa blong Idom long vali wea nem blong hem “Vali fo Tekem Solt.” An olketa kilim dae 18,000 man blong Idom. Taem hemi kambaek, biknem blong hem hemi go raon long evri ples.

Pijin Deuterocanon

¹³ Bihaen, Deved an ami blong hem i go faetem olketa blong Idom long vali wea nem blong hem “Vali fo Tekem Solt.” An olketa kilim dae 18,000 man blong Idom. Taem hemi kambaek, biknem blong hem hemi go raon long evri ples.

2 Samuel 8:13 ပူးပေါင်းရင်းမြစ်များ

Jenesis 11:4

Nao olketa tok olsem, “Hemi gud fo yumi wakem wanfala taon blong yumi wea bae hemi garem wanfala haos long hem wea i barava hae tumas go-go hemi kasem long skae. From diswan bae yumi garem biknem, an bae yumi no stap seleva olobaot long evri ples long wol, bat bae yumi save stap tugeta nomoa.” So olketa gohed fo wakem taon wetem haos ya nao.

2 Samuel 7:9

Stat kam bifoa, eni ples wea yu go mi stap wetem yu olowe. Nomata taem yu go long faet, oltaem mi gohed fo winim olketa enemi blong yu. So bae mi mekem yu fo garem biknem, mekem olketa pipol tingim hem olsem nem blong olketa nambawan bikman long wol.

1 Kings 11:15

Bifoa, long taem wea King Deved hemi faetem pipol blong Idom, Joab hu hemi komanda long ami blong Israel, hemi go long Idom ya fo berem olketa soldia blong Israel wea i dae long faet. Long datfala taem, Joab wetem ami i kilim dae evri man long Idom.

2 Kings 14:7

Amasaea nao hemi bin faetem ami blong Idom, an hemi kilim dae 10,000 soldia blong olketa long vali wea olketa kolem “Vali fo Tekem Solt”. Hemi winim tu taon long Sela, an hemi givim niufala nem long hem olsem Jokteel, an nem ya hemi stap kam kasem tude.

1 Kronikols 18:12

Nao Abisae, hu hemi san blong Seruia, hemi lidim ami wea hemi kilim dae 18,000 man blong Idom long vali wea nem blong hem “Vali fo Tekem Solt”.

2 Kronikols 25:11

Tingting blong king hemi kamap strong, den hemi lidim olketa soldia blong hem go long vali wea olketa kolem “Vali fo Tekem Solt”. Long datfala ples olketa faetem olketa soldia blong Idom. Olketa kilim dae 10,000 soldia blong Idom.

Sams 60:1

God, yu les finis long mifala, an yu bin mekem mifala fo lus long faet. Bifoa, yu bin kros long mifala, bat distaem, plis yu kambaek moa long mifala.