2 Samuel 24:6 - Pijin Bible

⁶ Den olketa go long Gilead, an bihaen olketa go long Kades, long kantri blong Het. Den olketa go long tufala taon long Dan an Ijon, nao olketa tane go long west long taon long Saedon.

Pijin Deuterocanon

⁶ Den olketa go long Gilead, an bihaen olketa go long Kades, long kantri blong Het. Den olketa go long tufala taon long Dan an Ijon, nao olketa tane go long west long taon long Saedon.

2 Samuel 24:6 ပူးပေါင်းရင်းမြစ်များ

Jenesis 10:15

An tufala pikinini boe blong Kenan, nem blong tufala nao hemi, Saedon wea hemi fasbon blong hem, an Het. An olketa laen wea i kamaot bihaen long tufala ya olketa garem nem blong tufala.

Jenesis 31:21

Hemi tekem evrisamting blong hem, an kuiktaem nomoa, olketa ranawe nao. Olketa krosim Yufretis Riva, nao olketa gohed fo wakabaot go long olketa maonten long Gilead.

Nambas 32:1

Oraet, traeb blong Ruben, an traeb blong Gad olketa garem plande animol. An olketa lukim dat olketa ples long Gilead, an raonem taon long Jasea i gudfala ples fo fidim animol.

Nambas 32:39

An olketa long traeb blong Makia, san blong Manase, olketa go insaet long eria long Gilead, an raosim olketa pipol blong Amoa from datfala eria.

Josua 11:8

Yawe hemi mekem Josua an ami blong Israel fo winim olketa enemi. Samfala long ami blong Josua i ronem olketa enemi ya an faetem olketa go-go kasem olketa farawe ples olsem taon long Misrefotomaem, an long taon long Saedon long not. Olketa narafala long ami blong Josua i gohed fo ronem tu narafala haf long olketa enemi ya go-go kasem vali long Mispa long ist. Olketa gohed fo faet go-go olketa kilim dae evriwan long olketa enemi.

Josua 19:28

an Abdon, an Rehob, an Hamon, an Kana, an go muv go moa fo kasem bikfala taon long Saedon.

Josua 19:47

Bihaen, taem olketa ya no save tekova long disfala lan blong olketa, olketa go an faetem olketa pipol long taon long Laes. Olketa winim taon ya long faet, an kilim dae evri pipol long ples ya, an tekova tu long olketa lan wea i stap raon long hem. Olketa mekem ples blong olketa long taon ya, an sensim nem ya Lesem go long Dan wea hemi nem blong olfala grani blong olketa long bifoa.

Jajis 1:31

An traeb blong Asa hemi nating ronemaot olketa pipol blong Kenan wea i stap long olketa taon long Ako, an Saedon, an Ahalab, an Aksib, an Helba, an Afek, an Rehob.