2 Samuel 23:21 - Pijin Bible

²¹ An hemi kilim dae wanfala man blong Ijip wea hemi olsem jaean an hemi man fo faet wetem spia. Benaea hemi holem stik nomoa, an hemi go fo faetem man ya. Hemi tekemaot spia from han blong hem, an hemi yusim spia ya fo spiarem man ya dae.

Pijin Deuterocanon

²¹ An hemi kilim dae wanfala man blong Ijip wea hemi olsem jaean an hemi man fo faet wetem spia. Benaea hemi holem stik nomoa, an hemi go fo faetem man ya. Hemi tekemaot spia from han blong hem, an hemi yusim spia ya fo spiarem man ya dae.

2 Samuel 23:21 ပူးပေါင်းရင်းမြစ်များ

2 Samuel 23:20

Benaea, san blong Jehoeada hu hemi man blong Kabseel, hem tu hemi wanfala nambawan soldia wea hemi garem biknem. Hemi bin duim plande bikfala samting, an wanfala long olketa samting ya nao, hemi kilim dae tufala bes soldia blong Moab. An long narafala taem, taem snou hemi kavaremap olketa ples, hemi godaon long wanfala hol, an hemi kilim dae wanfala laeon.

2 Samuel 23:22

Hem nao olketa bikfala samting wea Benaea hemi duim. Hem tu hemi garem biknem olsem trifala nambawan soldia.

1 Kronikols 11:23

An hemi kilim moa wanfala man blong Ijip wea tol blong hem hemi kolsap kasem tu an haf mita. An hemi man fo faet wetem wanfala barava bikfala spia. Benaea hemi holem stik nomoa, an hemi go fo faetem man ya, an hemi tekemaot spia from han blong hem, an hemi yusim spia ya fo spiarem man ya dae.

Kolosi 2:15

Nao Kraes hemi tekemaot finis evri paoa blong olketa bikman an olketa lida long saet blong Seitan. An long kros ya, hemi winim olketa an hemi mekem olketa fo filsem tumas long ae blong olketa pipol.

1 Samuel 17:51

Den hemi ran go an pulumaot naef fo faet blong Golaeat, an katemaot hed blong hem. Taem olketa soldia blong Filistia i lukim olsem strongman fo faet blong olketa hemi dae, olketa ra-ranawei nao.