2 Samuel 19:29 - Pijin Bible

²⁹ Den king hemi tok olsem, “Oraet, yu no talem enisamting moa. Yu an Siba mas divaedem long yutufala datfala lan wea fastaem hemi blong grani blong yu.”

Pijin Deuterocanon

²⁹ Den king hemi tok olsem, “Oraet, yu no talem enisamting moa. Yu an Siba mas divaedem long yutufala datfala lan wea fastaem hemi blong grani blong yu.”

2 Samuel 19:29 ပူးပေါင်းရင်းမြစ်များ

2 Samuel 19:28

Bifoa, hemi fitim fo yu kilim dae nomoa mifala evriwan long laen blong grani blong mi, bat yu talem mi nomoa fo kam kaikai olowe long tebol blong yu. Mi no garem eni raet fo askem enisamting moa from yu king.”

2 Samuel 19:30

Bat Mefiboset hemi tok olsem, “Siba save tekem evri lan nomoa. Mi hapi nomoa bikos masta an king blong mi hemi kambaek, an no enisamting hemi spoelem hem.”

2 Samuel 9:2

Nao wanfala man hemi stap wea nem blong hem Siba. Bifoa, hemi wakaman blong King Sol. Olketa talem hem fo go lukim king. Taem hemi kam, king hemi askem hem olsem, “?Yu nao yu Siba?” An hemi tok olsem, “Ya, an mi wakaman blong yu.”

2 Samuel 9:7

Oraet, Deved hemi tok olsem, “Yu no fraet. Bae mi laek fo kaen long yu bikos dadi blong yu, Jonatan, hemi gudfala fren blong mi. Evri lan blong grani blong yu, King Sol, bae mi givim gobaek long yu, an mi laekem yu fo kam kaikai wetem mi olowe long tebol blong mi.”

2 Samuel 9:9

Den king ya hemi kolem kam Siba, an hemi tok olsem long hem, “Evrisamting wea hemi blong King Sol an famili blong hem bifoa, distaem mi givim go long Mefiboset, grani blong hem.

Sams 101:5

Bae mi kilim dae eniwan hu hemi tokhaed fo spoelem nem blong narafala man. An bae mi giraotem eniwan hu hemi praod.

Sams 82:2

Nao hemi tok olsem long olketa, “Yufala mas no jajem olketa pipol long wei wea hemi no stret, an yufala mas no saet moa wetem olketa nogud pipol.

Provebs 18:13

Man hu hemi ansa bifoa hemi lisin, bae hemi krangge an filsem.

Aposol 18:15

Bat bikos diswan hemi wanfala raoa abaotem olketa toktok an olketa nem an olketa samting long lo blong yufala seleva nomoa, hemi gud fo yufala seleva nao yufala mas stretem. Mi no wiling fo jajem disfala kes fo yufala.”