2 Samuel 10:6 - Pijin Bible

⁶ Taem olketa blong Amon i save dat olketa mekem King Deved barava kros fogud long olketa, olketa haerem samfala ami blong Aram. Olketa kolem kam 20,000 soldia blong Aram wea olketa stap long Bet-Rehob an long Soba, an 12,000 man blong taon long Tob, an olketa kolem king blong Maaka tu wetem 1,000 man blong hem. Olketa evriwan i kam joenem olketa fo faet.

Pijin Deuterocanon

⁶ Taem olketa blong Amon i save dat olketa mekem King Deved barava kros fogud long olketa, olketa haerem samfala ami blong Aram. Olketa kolem kam 20,000 soldia blong Aram wea olketa stap long Bet-Rehob an long Soba, an 12,000 man blong taon long Tob, an olketa kolem king blong Maaka tu wetem 1,000 man blong hem. Olketa evriwan i kam joenem olketa fo faet.

2 Samuel 10:6 ပူးပေါင်းရင်းမြစ်များ

Jenesis 34:30

Nao Jekob hemi tok olsem long tufala pikinini blong hem ya, “Tufala. Yutufala mekem wanfala bikfala trabol long mi ya. Distaem, olketa laen blong Kenan, wetem olketa laen blong Peris, an olketa narafala pipol wea i stap olobaot long kantri ya bae olketa no laekem mi moa nao ya, bae olketa agensim mi ya, bat yumi no plande nomoa. Sapos olketa ya i joen tugeta, an i kam fo faetem yumi, bae yumi evriwan lus nao ya.”

2 Samuel 10:5

Bat olketa filsem tumas fo go hom, an taem King Deved hemi herem nius abaotem samting ya, hemi sendem mesij go long olketa olsem, “Hemi gud nomoa yufala stap fastaem long Jeriko, go-go kasem taem wea biad blong yufala grou moa, den yufala save kambaek.”

2 Samuel 10:7

An taem King Deved hemi herem samting ya, hemi sendem Joab wetem evri soldia long ami blong hem fo go faetem olketa.

2 Samuel 16:21

So Ahitofel hemi ansa olsem, “Olketa narafala woman blong dadi blong yu wea hemi letem olketa fo stap an lukaftarem haos blong hem, yu mas go slip wetem olketa. Long wei olsem, bae yu mekem evriwan long Israel save dadi blong yu hemi barava les long yu nao. Den olketa long saet blong yu bae filim olsem wea olketa kamap strong moa.”

2 Samuel 23:34

Elifelet, san blong Ahasbae, man blong Maaka, Eliam, san blong Ahitofel, man blong Gilo,

2 Samuel 8:12

Olketa pipol nao i pipol blong Idom, an pipol blong Moab, an pipol blong Amon, an pipol blong Filistia, an pipol blong Amalek. An hemi mektambu tu long olketa samting wea hemi tekem from King Hadadesa, san blong Rehob, hu hemi king long Soba.

2 Samuel 8:3

Taem Deved hemi go faetem olketa kolsap long Yufretis Riva fo mekem olketa kam andanit long paoa blong hem moa, hemi winim King Hadadesa, san blong Rehob, hu hemi king long Soba.

2 Samuel 8:5

Taem ami blong Aram long Damaskas i kam fo helpem King Hadadesa, ami blong King Deved hemi kilim dae 22,000 soldia blong olketa.

1 Kings 11:24

Taem King Deved hemi bin winim ami blong Hadadesa long faet, Reson hemi lidim wanfala grup hu i agensim gavman. Disfala grup ya hemi go stap long Damaskas long Siria, an kontrolem biktaon ya.

2 Kings 7:6

Hem olsem bikos Yawe hemi mekem olketa soldia blong Siria fo ranawe. Hemi mekem olketa herem wanfala noes olsem wanfala bikfala ami long olketa soldia wetem olketa hos an kaat fo faet. So olketa tingse king blong Israel hemi bin peim king long laen blong Het, an king blong Ijip, fo kam wetem ami fo faetem olketa.

Sams 48:4

Olketa king blong olketa narafala kantri i kam tugeta, nao olketa hipap kam raonem taon ya fo faetem yumi.

Eksodas 5:21

So olketa tok long tufala olsem, “Letem Yawe hemi panisim yutufala fo samting wea yutufala duim. Yutufala mekem king ya wetem olketa bikman blong hem fo les long mifala olsem wea man hemi les long samting wea hemi smel barava nogud nao. !Yutufala gohed fo mekem wei fo olketa kilim mifala dae!”

Provebs 25:8

Taem yu lukim nogud samting, no hariap fo go long kot fo talemaot. Nogud nara man talemaot dat yu rong, an bae yu sem.

Jeremaea 40:8

olketa kam fo lukim Gedalaea long Mispa. Nem blong olketa komanda nao: Ismael, san blong Netanaea, an Johanan an Jonatan, tufala san blong Karea, an Seraea, san blong Tanumet, an olketa san blong Efae wea hemi man blong Netofa, an Jaasanaea wea hemi man blong Maaka.

Jeremaea 46:21

Olketa soldia blong narafala kantri wea yufala peim olketa fo faet, i olsem yang buluka wea i fat fogud. Taem enemi i kam, olketa no save stanap strong, nao olketa ranawe nomoa. De blong bikfala trabol hemi kam fo kasem olketa. Ya, taem fo panisim olketa hemi kam.

Diutronomi 3:14

An Jaea hu hemi wanfala man long traeb blong Manase, hemi tekem olketa lan long eria long Agob long Basan wea hemi go kasem spialaen long ples blong pipol blong Gesua an pipol blong Maaka long west. An Jaea yusim nem blong hem seleva fo kolem olketa vilij long eria long Havot-Jaea. An disfala nem hemi stap yet kam kasem tude.

Jajis 11:3

Jefta hemi ranawe from olketa brata blong hem an go stap long wanfala gud ples wea olketa kolem Tob. An taem hemi stap long ples ya, samfala nogud man i kam an joenem hem. An olketa Jefta save goaot fo faet an stil.

Jajis 11:5

olketa bikman long laen blong Gilead i go askem Jefta fo kambaek long ples blong olketa.

Jajis 18:28

No eniwan hemi helpem olketa long Laeis bikos Saedon hemi stap farawe tumas from olketa, an olketa long Laeis i no save miks wetem eni pipol kolsap long olketa. Disfala taon hemi stap long wanfala bikfala vali kolsap long narafala taon long Bet-Rehob. Bihaen, traeb blong Dan i wakem gudfala moa disfala taon an olketa stap long hem.

1 Samuel 13:4

So olketa soldia ya i talemaot dat Sol an ami blong hem i kilim ami blong Filistia long Geba. An olketa talemaot tu wea olketa pipol blong Filistia i barava les long pipol blong Israel distaem. An olketa sei wea olketa mas obeim toktok blong King Sol an kam joenem hem long Gilgal.

1 Samuel 27:12

So Akis hemi trastem hem, an hemi gohed fo tingting seleva olsem, “Deved hemi man blong Israel, bat ating olketa pipol blong hem i barava les long hem nao, so bae hem mas waka fo mi olowe.”