2 Pita 2:8 - Pijin Bible

⁸ Disfala stret man ya hemi stap wetem olketa ravis pipol nomoa. An evri de nomoa hemi filnogud tumas long olketa ravis samting wea hemi lukim an herem, wea olketa pipol gohed fo duim.

Pijin Deuterocanon

⁸ Disfala stret man ya hemi stap wetem olketa ravis pipol nomoa. An evri de nomoa hemi filnogud tumas long olketa ravis samting wea hemi lukim an herem, wea olketa pipol gohed fo duim.

2 Pita 2:8 ပူးပေါင်းရင်းမြစ်များ

Jenesis 13:13

Nao olketa pipol blong Sodom ya, olketa i barava nogud tumas, bikos oltaem olketa gohed fo mekem sin nomoa long ae blong Yawe.

Sams 119:136

Taem mi lukim olketa pipol i no save obeim olketa gudfala tising blong yu, mi barava sore tumas an mi krae.

Sams 119:139

Mi barava kros tumas taem mi lukim olketa enemi i les fo obeim olketa tru toktok blong yu.

Sams 119:158

Mi barava les tumas long olketa wantok hu i no trastem yu, bikos olketa no obeim olketa lo blong yu.

Provebs 25:26

Taem olketa ravis man i daonem olketa stretfala man, hemi olsem olketa doti long springwata.

Provebs 28:12

Taem olketa stretfala man i holem paoa, pipol i hapi tumas. Bat taem olketa man nogud i kasem paoa, pipol i haed.

Esikiel 9:4

Hemi tok olsem long hem, “Yu go evriwea long taon ya, an putum mak long fohed blong olketa pipol hu i gohed fo sore an krae fo olketa nogud samting wea olketa narafala pipol i duim insaet long taon ya.”

Esikiel 9:6

Yufala mas kilim dae evri ol man, an evri yang man, an evri yang woman, an evri mami wetem evri pikinini blong olketa. Bat olketa hu i garem mak long fohed blong olketa, yufala mas no kilim olketa dae. Bae yufala stat kil kam long disfala Tambuhaos blong mi.” So, olketa stat long ples ya an kilim dae evri lida hu i stanap frant long Tambuhaos.

1 Timoti 1:9

An yumi save tu dat olketa lo ya olketa no stap fo stretem olketa gudfala pipol ya, bat fo stretem olketa pipol hu i brekem olketa lo an olketa hu i mekem trabol olowe. Hemi fo stretem wei blong olketa pipol hu i no falom God, an olketa hu i stap long wei blong sin, an olketa hu i tokdaonem God an olketa narasamting moa wea hemi holi. Hemi fo stretem olketa hu i kilim dae mami o dadi blong olketa, an olketa hu i kilim dae eni nara man moa.

Hibrus 11:4

Ebol hemi biliv long God, an dastawe sakrifaes blong hem hemi gudfala moa winim sakrifaes blong brata blong hem Kein. An bikos Ebol hemi biliv, God hemi luksave long hem olsem wanfala stretfala man, wea God hemi tokhapi long sakrifaes blong hem. Nomata Ebol hemi dae longtaem finis, stori abaotem hem hemi tokabaotem bikfala biliv blong hem kam kasem tude.

Jemes 5:16

So yufala mas talemaot olketa sin blong yufala long yufala evriwan, an yufala mas prea fo eniwan long yufala hu hemi sik, mekem hemi gudbaek moa. Prea blong stretfala man, hemi barava garem paoa an hemi save helpem pipol.