2 Pita 2:13 - Pijin Bible

¹³ Bae olketa safa tumas, bikos olketa ya nao bin mekem olketa nara pipol fo safa tumas fastaem. Olketa laea tisa ya laekem tumas fo mekem olketa ravis fist, nomata long delaet tu. An taem olketa kam fo kaikai wetem yufala, olketa mekem yufala fo filsem tumas long disfala nogud wei blong olketa. Bat olketa save hapi nomoa fo laea long olketa ravis wei blong olketa.

Pijin Deuterocanon

¹³ Bae olketa safa tumas, bikos olketa ya nao bin mekem olketa nara pipol fo safa tumas fastaem. Olketa laea tisa ya laekem tumas fo mekem olketa ravis fist, nomata long delaet tu. An taem olketa kam fo kaikai wetem yufala, olketa mekem yufala fo filsem tumas long disfala nogud wei blong olketa. Bat olketa save hapi nomoa fo laea long olketa ravis wei blong olketa.

2 Pita 2:13 ပူးပေါင်းရင်းမြစ်များ

Nambawan Singsing 4:7

Daling blong mi, yu barava luknaes tumas. Evri pat long bodi blong yu nomoa hemi luknaes, no eni pat long yu wea hemi spoelem yu.

Aesaea 3:11

!Bat sore tumas long olketa hu i falom ravis wei! Bae Yawe hemi sensimbaek long olketa evri ravis samting wea olketa bin duim.

Leta wea Pol hemi raetem go long sios long Rom 13:13

Yumi mas stap long gudfala wei olsem olketa pipol hu i stap long delaet. Yumi mas no mekem olketa ravis fist an gohed fo drang, an yumi mas no durong wetem eniwan o falom olketa nara ravis wei olsem. An yumi mas no raoa an yumi mas no joles.

Efesas 5:27

Bikos taem Kraes hemi tekem sios fo kam long hem seleva, hemi laekem sios fo barava luknaes tumas wea hemi no garem enisamting rong long hem bat hemi stret fogud.

Filipae 3:19

Diskaen pipol ya, wanem olketa laekem fo bodi blong olketa seleva, hem nao olsem god blong olketa. An olketa praod fo duim olketa samting wea yumi save filsem tumas long hem. Olketa tingting olowe long evrisamting blong wol nomoa. Bae olketa kaen pipol olsem i go lus long hel.

2 Timoti 4:14

Disfala man Aleksanda hu hemi save wakem enikaen samting long aean, hemi barava spoelem mi tumas. Masta nao bae hemi sensimbaek long hem falom wanem hemi duim.

Jemes 5:5

Taem yufala stap long disfala wol, yufala ris tumas long enikaen gudfala samting an yufala yusim evrisamting ya fo mekem yufala seleva nomoa fo filgud long hem. Long diskaen wei, yufala jes mekem yufala seleva fat, olsem fat buluka wea bae olketa busarem.

1 Pita 4:4

Bat distaem nao, yufala no save gohed moa long enikaen ravis wei olsem wetem olketa hu i no biliv long God. So olketa sapraes tumas long diswan an talem enikaen nogud samting abaotem yufala.

2 Pita 2:15

Olketa laea tisa ya lusim finis disfala stretfala wei an olketa go krangge falom wei blong Profet Balam hu hemi san blong Beo. Balam hemi laekem tumas fo tekem seleni fo duim wanem hemi no stret.

Revelesin 18:6

Bat taem yufala sensimbaek, yufala mas dabolem olketa samting wea hemi bin duim long yufala. Dring wea hemi givim long yufala, yufala mas dabolem moa strong blong hem an givimbaek fo hemi dringim.