2 Pita 2:11 - Pijin Bible

¹¹ Nomata olketa enjel wea olketa hae moa an olketa garem paoa winim olketa laea tisa, olketa no save tokspoelem eniwan long olketa nogud toktok olsem long frant long Masta.

Pijin Deuterocanon

¹¹ Nomata olketa enjel wea olketa hae moa an olketa garem paoa winim olketa laea tisa, olketa no save tokspoelem eniwan long olketa nogud toktok olsem long frant long Masta.

2 Pita 2:11 ပူးပေါင်းရင်းမြစ်များ

Sams 103:20

Yufala olketa enjel, yufala strong an garem paoa. Oltaem yufala gohed fo obeim olketa toktok blong Yawe, an yufala gohed fo lisin long olketa samting wea hemi talem. !Yufala ya, yufala mas gohed fo preisim Yawe!

Sams 104:4

Yu yusim win olsem olketa enjel fo karim toktok blong yu, an yu yusim laetning olsem olketa wakaman blong yu.

Daniel 6:22

!Mi oraet nomoa! !God blong mi hemi sendem kam enjel blong hem fo satem maos blong olketa laeon ya, an olketa nating kaikaim mi, bikos mi stret nomoa long ae blong hem an long ae blong yu tu!”

Gudnius abaotem Jisas Kraes wea Mak hemi raetem 7:22

an fo brekem lo blong marit, an fo tekem evrisamting fo hem seleva, an fo talem enikaen ravis samting nomoa, an fo raverave tumas, an fo duim olketa nogud samting long ae blong pipol, an fo joles tumas, an fo stori nogud abaotem nara man, an fo praod tumas, an fo duim tu enikaen krangge samting nomoa.

2 Tesalonaeka 1:7

An fo yufala wea yufala barava safa tumas an fo mifala tu, bae God hemi finisim trabol blong yumi evriwan. Diswan bae hemi hapen long taem wea Jisas Masta blong yumi, bae hemi kamdaon from heven wetem olketa enjel blong hem hu i garem strongfala paoa.

Jiud 1:9

Bat Maekol hu hemi komanda blong olketa enjel, hemi no duim olsem ya. Nomata taem hemi raoa wetem Seitan abaotem hu nao bae hemi tekem bodi blong Mosis, hemi no talem eni nogud toktok long Seitan. Hemi jes tok olsem nomoa, “Letem Masta nao hemi hatem yu.”