2 Pita 1:7 - Pijin Bible

⁷ An yufala mas kaen long olketa Kristin olsem olketa i brata blong yufala, an yufala mas lavem evriwan.

Pijin Deuterocanon

⁷ An yufala mas kaen long olketa Kristin olsem olketa i brata blong yufala, an yufala mas lavem evriwan.

2 Pita 1:7 ပူးပေါင်းရင်းမြစ်များ

Leta wea Pol hemi raetem go long sios long Rom 12:10

Yufala mas lavem yufala evriwan gudfala, olsem brata. Yufala mas tinghae long olketa nara Kristin winim yufala seleva.

Galesia 6:10

Dastawe nao, long evri taem wea samting hemi kamap, yumi mas duim olketa gudfala samting long evri pipol. An bikfala samting nao hemi fo duim diswan long olketa pipol hu i stap insaet long famili blong God.

Kolosi 3:14

An tugeta wetem olketa gudfala wei olsem ya, yufala mas lavem gud olketa nara man. Bikos lav ya nao hemi save joenem olketa gudfala wei ya, mekem olketa kamap barava stret.

1 Tesalonaeka 3:12

An letem Masta blong yumi hemi strongim lav blong yufala fo evriwan an fo evri narafala pipol, olsem wea mifala lavem yufala tu.

1 Tesalonaeka 5:15

Nao taem wanfala man hemi duim rong samting long eniwan, yufala mas meksua no eniwan hemi sensimbaek. Bat evritaem, yufala mas traehad fo duim olketa gudfala samting fo eniwan long yufala, an fo olketa narafala pipol tu.

Hibrus 13:1

Yufala mas gohed nomoa fo lavem yufala evriwan olsem olketa brata an sista.

1 Pita 1:22

Bikos yufala bin obeim disfala tru toktok, yufala bin mekem laef blong yufala klin from sin, an yufala save lavem olketa Kristin. An distaem, yufala mas lavem yufala evriwan long ful maen blong yufala.

1 Pita 2:17

Yufala mas tinghae long evriwan, an yufala mas lavem olketa nara Kristin. Yufala mas mekhae long God, an yufala mas tinghae tu long King long Rom.

1 Pita 3:8

Nao las samting long disfala tingting hemi olsem, yufala evriwan mas wanmaen an mas sore long yufala evriwan. Yufala mas lavem yufala evriwan olsem olketa tru brata, an yufala mas kaen long yufala an yufala mas hambol wetem yufala evriwan.

1 Jon 3:14

Yumi ya, yumi save dat yumi lusim finis wei blong dae, an yumi kasem nao tru laef. Yumi save diswan bikos yumi lavem olketa nara Kristin. Bat eniwan hu hemi no lavem nara Kristin, hemi stap yet long wei blong dae.

1 Jon 3:16

Bikos Kraes hemi letem hem seleva fo dae fo sevem yumi, yumi save nao long barava tru lav. So yumi mas wiling fo letem yumi seleva dae fo olketa nara Kristin tu.

1 Jon 4:21

Nao lo wea Kraes hemi tokstrong long yumi abaotem hemi olsem, “Eniwan hu hemi lavem God, hemi mas lavem tu evri Kristin.”