2 Pita 1:14 - Pijin Bible

¹⁴ Bikos mi save dat laef blong mi long disfala wol hemi no save stap longtaem nomoa. Masta blong yumi Jisas Kraes nao hemi bin talemaot diswan long mi.

Pijin Deuterocanon

¹⁴ Bikos mi save dat laef blong mi long disfala wol hemi no save stap longtaem nomoa. Masta blong yumi Jisas Kraes nao hemi bin talemaot diswan long mi.

2 Pita 1:14 ပူးပေါင်းရင်းမြစ်များ

Aesaea 38:12

Mi tingse laef blong mi hemi finis nao, olsem wea man hemi tekemaot haostent blong hem. Ya, mi tingse laef blong mi hemi finis nao, olsem wea man hemi wakem wanfala pis kaleko, an waka blong hem hemi finis nao, bihaen hemi katem long masin an rolemap. O Yawe. Long de an naet, yu finisim laef blong mi nao.

Gudnius abaotem Jisas Kraes wea Jon hemi raetem 13:36

Nao Pita hemi askem Jisas olsem, “?Masta, wea nao bae yu go long hem ya?” Jisas hemi ansarem hem olsem, “Distaem, yu no save falom mi go long ples wea bae mi go long hem, bat bae yu falom mi bihaen.”

Aposol 20:25

“Mi bin go-goraon kasem yufala evriwan fo tokabaotem disfala kingdom blong God. Bat mi save dat bae no eniwan long yufala hemi save lukim mi enitaem moa.

2 Korin 5:1

Yumi save dat taem disfala bodi blong yumi long wol hemi dae, bae yumi go stap long niu bodi wea God bae hemi givim long yumi long heven. God nao hemi mekem disfala niu bodi, an diswan hemi save stap evritaem olowe nomoa.

Diutronomi 31:14

Yawe hemi tok olsem long Mosis, “Distaem, taem blong yu fo dae hemi kolsap nao. Kolem kam Josua, an tekem hem kam long Tambu Haostent blong mi. Den bae mi mekem hem fo kamap lida blong Israel.” So Mosis an Josua tufala go long Tambu Haostent.

2 Timoti 4:6

Taem blong mi fo dae hemi kam kolsap nao. An laef blong mi hemi olsem nao waen wea olketa kapsaetem antap long olta fo mekem sakrifaes long hem.

Josua 23:14

“Taem blong mi fo dae hemi kam kolsap nao. An yufala evriwan i savegud nomoa dat Yawe nao hemi givim olketa gudfala samting long yumi, olsem wea hemi bin promisim bifoa. Hemi bin kipim evri promis blong hem wea hemi bin mekem an hemi duim evrisamting wea hemi bin promisim.

2 Pita 1:13

Tingting blong mi hemi olsem, taem mi laef yet, hemi gud tumas fo mi talem yufala moa abaotem olketa samting ya, mekem yufala no fogetem.