2 Kronikols 6:1 - Pijin Bible

¹ Den Solomon hemi prea olsem, “Lod Yawe, yu bin sei wea bae yu stap long klaod wea hemi tudak.

Pijin Deuterocanon

¹ Den Solomon hemi prea olsem, “Lod Yawe, yu bin sei wea bae yu stap long klaod wea hemi tudak.

2 Kronikols 6:1 ပူးပေါင်းရင်းမြစ်များ

2 Kronikols 6:2

Distaem mi wakem finis wanfala nambawan Tambuhaos fo yu. Hemi wanfala ples fo yu stap long hem olowe.”

Sams 97:2

Olketa blak klaod nao i stap raonem hem. Hemi rulim olketa pipol an hemi jajem olketa long wei wea hemi barava stret fogud.

Eksodas 20:21

Olketa pipol i stanap farawe, bat Mosis seleva nomoa hemi go kolsap long disfala bikfala blak klaod wea God hemi stap long hem.

Levitikas 16:2

Hemi tok olsem, “Talem brata blong yu Eron, hemi mas no kam olowe insaet long Barava Tambu Rum wea kaleko hemi satem. Sapos hemi kam long rong taem, bae hemi mas dae bikos hem nao tambu ples wea mi save kam long yufala insaet long klaod antap long kava blong Tambu Boks blong Spesol Agrimen.

Neiham 1:3

Hemi no save kros kuiktaem, bat hemi garem paoa. So, bae hemi panisim evriwan hu i duim olketa ravis samting. Taem Yawe hemi kam, hemi save kam antap long saekloun. An taem hemi step long graon, dast hemi kamap olsem bikfala klaod.

Diutronomi 4:11

“Olketa olo blong yufala i bin stanap long botom blong maonten long Horeb, an bikfala klaod olsem smok wea hemi barava blak fogud hemi kam kavaremap maonten ya, an bikfala laet blong faea hemi gohed fo laet antap long hem go kasem skae.

Hibrus 12:18

Yufala no kasem wanfala maonten wea yu save tasim, olsem olketa pipol blong Israel bifoa wea olketa kam kasem disfala maonten long Saenae. Olketa lukim bikfala faea wea hemi bone antap, an ples ya hemi go barava dak tumas moa an bikfala win hemi blou kam long hem.