2 Kronikols 4:16 - Pijin Bible

¹⁶ Olketa baket fo holem asis, an olketa savol, an olketa fok blong mit. Hem nao evrisamting blong Tambuhaos wea Huram hemi wakem long bras fo King Solomon.

Pijin Deuterocanon

¹⁶ Olketa baket fo holem asis, an olketa savol, an olketa fok blong mit. Hem nao evrisamting blong Tambuhaos wea Huram hemi wakem long bras fo King Solomon.

2 Kronikols 4:16 ပူးပေါင်းရင်းမြစ်များ

1 Kings 7:45

Olketa baket fo holem asis, an olketa savol, an olketa besin. Hem nao evrisamting blong Tambuhaos wea Huram hemi wakem long bras fo King Solomon.

2 Kings 25:14

Olketa tekem tu olketa baket fo holem asis, an olketa smolfala savol, an olketa samting fo kilim dae faea long lam, an olketa besin, an olketa plet, wetem evri narafala samting wea olketa bin wakem long bras fo yusim long Tambuhaos.

1 Kronikols 18:8

An from tufala taon long Tibhat an Kun, wea tufala i blong King Hadadesa, hemi tekem go plande bras tu. Hem nao olketa bras wea bihaen Solomon hemi yusim fo mekem bikfala tangk blong Tambuhaos, an tufala bikfala pos blong Tambuhaos, an olketa narafala samting long Tambuhaos.

1 Kronikols 28:17

An hem nao haomas nambawan gol fo wakem olketa fok, an olketa smolfala baol, an olketa kontena. An hem nao haomas gol an silva fo wakem olketa plet.

2 Kronikols 2:13

“Distaem, mi sendem kam wanfala man long yu wea nem blong hem Huram-Abi. Hemi waes an hemi wanfala nambawan wakaman tu.

2 Kronikols 4:11

An olketa wakem finis tu olketa baket fo holem asis, an olketa savol, an olketa besin. So Huram hemi finisim evri waka wea King Solomon hemi kolem hem kam fo duim long Tambuhaos blong God.

2 Kronikols 4:15

Wan bikfala tangk, wetem tuelfala kaving long man buluka wea tangk ya hemi sidaon antap long tuelfala.

2 Kronikols 4:17

King hemi talem hem fo mekem olketa samting ya long flat eria kolsap long Jodan Riva, long midol long tufala taon long Sukot an Saretan. Long dea nao, olketa poarem go bras wea olketa meltem, fo mekem olketa samting ya.

Eksodas 27:3

Yu mas wakem olketa baket fo holem asis. An yu mas wakem olketa smolfala savol, an olketa besin, an olketa fok, an olketa baket fo karim hot sakol o asis blong faea wea hemi laet yet. Yu mas wakem evrisamting ya long bras.

Eksodas 38:3

Olketa wakem olketa baket fo holem asis. An olketa wakem olketa smolfala savol, an olketa besin, an olketa fok an olketa baket fo karim hot sakol o asis blong faea wea hemi laet yet. Evrisamting ya, olketa wakem long bras.