2 Kronikols 36:20 - Pijin Bible

²⁰ Olketa fosim olketa pipol hu i laef yet fo go long Babilonia. Olketa go waka olsem slev blong king an olketa long laen blong hem. Hemi olsem go kasem taem wea King blong Pesia hemi rul ovam olketa.

Pijin Deuterocanon

²⁰ Olketa fosim olketa pipol hu i laef yet fo go long Babilonia. Olketa go waka olsem slev blong king an olketa long laen blong hem. Hemi olsem go kasem taem wea King blong Pesia hemi rul ovam olketa.

2 Kronikols 36:20 ပူးပေါင်းရင်းမြစ်များ

2 Kings 25:11

An Nebusaradan hemi tekem olketa pipol hu i stap yet insaet long taon ya, an olketa hu bin ranawe from taon ya fo go joenem olketa blong Babilonia long aotsaet, nao hemi fosim olketa evriwan fo lusim lan blong olketa an go stap long Babilonia.

2 Kronikols 36:22

Long fas yia wea King Saeras blong Pesia hemi rul ovarem Babilonia, Yawe hemi waka insaet long tingting blong king ya fo mekem wanfala toktok. Olketa sekretri blong hem i raetemdaon disfala toktok, an hemi sendem mesij ya go long evri ples long bikfala kingdom blong hem, mekem olketa ridimaot long olketa pipol. Yawe hemi duim diswan, mekem Mesij blong Yawe wea Profet Jeremaea bin talemaot, fo kamtru. Toktok ya hemi olsem,

Esra 2:1

Hem ya nao nem blong olketa pipol blong disfala provins wea ami blong King Nebukadnesa bin fosim olketa fo lusim lan blong olketa an go stap long Babilonia. Olketa ya i kambaek long barava ples blong olketa long Jerusalem an olketa narafala ples long Jiuda.

Esra 5:12

Bat bikos olketa grani blong mifala bifoa i mekem God ya blong heven hemi kros, hemi letem King Nebukadnesa blong Babilonia, hu hemi man blong Kaldia nao, fo winim mifala an tekova long lan blong mifala. Hemi brekemdaon Tambuhaos ya finis, an hemi fosim olketa olo blong mifala fo lusim lan, an fo go stap long Babilonia.

Aesaea 47:6

“Bifoa, mi bin kros long olketa pipol blong mi, an mi bin mekem olketa fo no holi moa. Mi bin putum olketa andanit long paoa blong yu, bat yu spoelem olketa nomoa, an yu nating sore nomoa long olketa. Nomata olketa olo blong olketa ya, yu barava mekem olketa safa tumas.

Jeremaea 25:11

Evrisamting long lan ya bae hemi kamap nogud tumas. An olketa blong Jiuda wetem olketa narafala kantri wea i stap raonem, bae olketa mas waka fo disfala king blong Babilonia fo seventi yia.

Jeremaea 27:7

Evri kantri long wol ya, bae i stap andanit long paoa blong hem. An bihaen, bae olketa stap andanit long paoa blong san blong hem, an bihaen moa, bae i stap andanit long paoa blong grani blong hem, go-go kasem taem wea mi makem fo hemi finis. Long taem ya, bae olketa narafala kantri i strong moa winim Babilonia, an mekem datfala kantri hemi stap andanit long paoa blong olketa ya.

Jeremaea 52:28

Hem ya nao namba long olketa pipol wea King Nebukadnesa bin tekem long Babilonia: Long mekseven yia wea King Nebukadnesa hemi king long Babilonia, 3,023 pipol blong Jiuda i go.

Esikiel 19:13

Distaem olketa plantem grep tri ya insaet long drae eria, long ples wea hemi nating garem eni wata.

Esikiel 38:5

Olketa ami blong Pesia wetem olketa blong Kus an blong Libia, bae i kam wetem yu, an olketa evriwan bae i holem sil an werem hat fo faet.

Maeka 4:10

!Olketa! Hemi stret nomoa fo yufala filnogud an singaot bikfala olsem woman hu hemi bonem pikinini. Bikos no longtaem, bae olketa enemi i fosim yufala fo lusim taon blong yufala, an stap nomoa long open ples. Bae olketa fosim yufala fo go long Babilonia. Bat bihaen, bae Yawe hemi sevem olketa wea i bon kam bihaen long yufala from paoa blong olketa enemi.