2 Kronikols 34:14 - Pijin Bible

¹⁴ Taem olketa Livaet i gohed fo tekemaot olketa seleni wea olketa bin putum insaet long stoarum long Tambuhaos blong Yawe, Haeprist Hilkaea hemi faendem Buk blong Lo blong Yawe, an hemi garem lo wea Yawe hemi bin givim long Mosis bifoa.

Pijin Deuterocanon

¹⁴ Taem olketa Livaet i gohed fo tekemaot olketa seleni wea olketa bin putum insaet long stoarum long Tambuhaos blong Yawe, Haeprist Hilkaea hemi faendem Buk blong Lo blong Yawe, an hemi garem lo wea Yawe hemi bin givim long Mosis bifoa.

2 Kronikols 34:14 ပူးပေါင်းရင်းမြစ်များ

2 Kings 18:18

Den olketa talem Hesekaea fo kam toktok wetem olketa. So trifala bikman blong Jiuda, Eliakim, an Sebna, an Joa nao i kam fo mitim olketa. Eliakim hemi bos long haos blong king, an dadi blong hem nao Hilkaea. Sebna hemi sekretri blong king, an Joa hemi kipim olketa ripot blong king, an dadi blong hem nao Asaf.

2 Kronikols 12:1

Taem Rehoboam hemi king long Jiuda an rul blong hem hemi kamap strong, hem an olketa pipol blong hem i lusim Lo blong Yawe.

2 Kronikols 31:4

King Hesekaea hemi talem olketa pipol long Jerusalem fo tekem kam olketa ofaring wea i blong olketa prist an olketa Livaet. Hem nao fo mekem olketa ya fo waka nomoa long wanem Lo blong Yawe hemi talem.

2 Kronikols 34:15

Oraet, hemi tok olsem long Safan, “Mi faendem Buk blong Lo blong Yawe insaet long Tambuhaos.” Nao hemi givim buk ya long Safan.

2 Kronikols 34:9

Trifala ya i kam long Haeprist Hilkaea wetem olketa seleni fo wakembaek Tambuhaos ya. Olketa Livaet hu i gadem geit blong Tambuhaos ya, i tekem kam disfala seleni ya long Tambuhaos. Olketa bin kolektem hem from pipol blong Manase, an from pipol blong Efrem, an from olketa nara pipol blong Israel, an from pipol blong Jiuda, an from pipol blong Benjamin, an from pipol blong Jerusalem tu.

2 Kronikols 35:26

Stat long taem hemi kamap king go kasem en blong hem, olketa samting Josaea hemi duim, an olketa waka hemi duim bikos hemi tinghevi long toktok long Lo blong Yawe, olketa raetemdaon long Buk Abaotem Olketa Samting Olketa King blong Israel an Jiuda i Duim.

Esra 7:10

Yawe hemi gohed fo helpem olketa, bikos Esra hemi wakahad tumas fo lanem an obeim Lo blong Yawe, an hemi gohed fo tisim olketa blong Israel long olketa lo an olketa rul ya wea hemi stap long buk long Lo ya.

Sams 1:2

Olketa pipol ya i hapi bikos olketa falom Lo blong Yawe, an oltaem olketa gohed fo ridim an tingting long hem evri de an evri naet.

Aesaea 30:9

Olketa pipol ya i bikhed tumas an oltaem nomoa olketa agensim mi. Olketa i olsem pikinini hu hemi laea an hemi les fo lisin. Ya, olketa les fo obeim olketa tising blong mi Yawe.

Aesaea 5:24

Dastawe nao bae Yawe hemi panisim yufala olsem wea faea hemi bonem drae gras. Ya, bae hemi spoelem yufala fogud olsem gras wea olketa rut blong hem hemi roten an flaoa blong hem hemi drae an win hemi bloum go. Hemi duim diswan bikos yufala les tumas fo herem olketa tising blong Holi God blong yumi long Israel hu hemi garem evri paoa.

Jeremaea 8:8

“Hemi no stret fo yufala gohed fo tok olsem, ‘Mifala waes, bikos mifala savegud long Lo blong Yawe nao.’ !Yufala lukim! Nomata olketa tisa blong lo ya, bat olketa laea nomoa, an olketa sensim lo blong mi.

Levitikas 10:11

An olketa lo wea mi givim long Mosis bifoa, yufala mas tisim long olketa pipol blong Israel.”

Levitikas 26:46

Hem nao olketa lo, an tising, an toktok blong Yawe wea hemi givim long Mosis long maonten long Saenae, fo talemaot long pipol blong Israel fo falom.

Levitikas 8:36

Nao Eron wetem olketa san blong hem i duim evrisamting barava olsem wea Yawe hemi bin talem long Mosis fo olketa duim.

Gudnius abaotem Jisas Kraes wea Luk hemi raetem 2:39

Taem Josef an Meri tufala mekem finis evrisamting ya falom wanem Lo blong God hemi talem, tufala gobaek moa long hom blong tufala long Nasaret.

Josua 1:8

Oltaem, yu mas ridim buk blong Lo an yu mas tisim olketa pipol abaotem olketa toktok wea hemi stap insaet. An long de an naet yu mas tingting gudfala falom olketa toktok ya, mekem yu save duim evrisamting wea Lo hemi talem. Sapos yu duim olsem, olketa waka blong yu bae hemi save gohed gudfala.