2 Kronikols 31:17 - Pijin Bible

¹⁷ Olketa makem kaen waka blong olketa prist falom olketa laen blong olo. Nao long semkaen wei olketa givimaot olketa kaikai long olketa Livaet wea i kasem tuenti yia an goap. Olketa divaedem evrisamting falom olketa kaen waka an olketa seksin blong Livaet.

Pijin Deuterocanon

¹⁷ Olketa makem kaen waka blong olketa prist falom olketa laen blong olo. Nao long semkaen wei olketa givimaot olketa kaikai long olketa Livaet wea i kasem tuenti yia an goap. Olketa divaedem evrisamting falom olketa kaen waka an olketa seksin blong Livaet.

2 Kronikols 31:17 ပူးပေါင်းရင်းမြစ်များ

1 Kronikols 23:24

Hem nao nem blong olketa olo blong olketa laen long traeb blong Livae. Olketa man blong king i raetemdaon nem blong olketa, an kaontem olketa man ya wea i eij tuenti yia goap. Olketa evriwan i joen fo duim waka long Tambuhaos blong Yawe.

1 Kronikols 23:27

Nao from toktok blong king, olketa Livaet wea i eij tuenti yia goap, i garem waka fo helpem olketa prist.

1 Kronikols 24:20

Hemi nao nem blong olketa narafala man long olketa narafala laen long traeb blong Livae: Sebuel hemi bon long laen blong Amram. Jedea hemi bon long laen blong Sebuel.

2 Kronikols 31:18

Olketa givimaot evrisamting falom olketa rekod wea olketa bin raetemdaon nem blong evri Livaet wetem waef an pikinini blong olketa. Olketa Livaet ya i gohed olowe fo mekem olketa seleva klin an redi fo duim waka long Tambuhaos blong Yawe.

2 Kronikols 31:2

King Hesekaea hemi mekem olketa grup long olketa prist an olketa Livaet. Hemi divaedem olketa long olketa grup fo duim olketa deferen waka long Tambuhaos blong Yawe. Hemi siusim samfala fo mekem olketa sakrifaes wea i barava bone, an fo mekem olketa sakrifaes fo somaot dat olketa stapgud wetem Yawe. Hemi siusim samfala fo lidim wosip long Tambuhaos. An hemi siusim samfala fo singsing fo preisim an talem tengkiu long Yawe.

Esra 2:59

Samfala pipol hu i gobaek from Babilonia i blong olketa laen wea i bin stap bifoa long olketa taon long Tel-Mela, an Tel-Hasa, an Kerub, an Adon, an Ima. Bat olketa pipol ya no save somaot dat olketa barava long olketa laen blong Israel.

Nambas 3:15

“Yu mas kaontem olketa man long traeb blong Livae, falom olketa laen an famili grup blong olketa, an yu mas stat wetem olketa pikinini boe wea eij blong olketa i kasem wan mans an goap.”

Nambas 4:3

an raetemdaon nem blong olketa man hu i teti yia go kasem fifti yia. Hem nao olketa wea i save waka long Tambu Haostent.

Nambas 8:24

“Olketa long traeb blong Livae hu i kasem tuenti-faev yia an goap, olketa nao mas duim olketa waka long Tambu Haostent.