2 Kronikols 31:13 - Pijin Bible

¹³ Nao King an Prist Asaraea i siusim tenfala narafala Livaet moa fo helpem tufala fo bos long olketa waka ya. Nem blong tenfala Livaet ya i olsem: Jehiel, an Asasaea, an Nahat, an Asahel, an Jerimot, an Josabad, an Eliel, an Ismakaea, an Mahat, an Benaea.

Pijin Deuterocanon

¹³ Nao King an Prist Asaraea i siusim tenfala narafala Livaet moa fo helpem tufala fo bos long olketa waka ya. Nem blong tenfala Livaet ya i olsem: Jehiel, an Asasaea, an Nahat, an Asahel, an Jerimot, an Josabad, an Eliel, an Ismakaea, an Mahat, an Benaea.

2 Kronikols 31:13 ပူးပေါင်းရင်းမြစ်များ

1 Kronikols 24:5

Nao tufala laen evriwan i garem olketa prist an olketa bikman long Tambuhaos, so Deved, an Sadok, an Ahimelek i yusim olketa spesol ston fo faendemaot hu nao bae hemi holem watkaen waka. Hem nao wei wea olketa divaedem olketa man long stretfala wei.

2 Kronikols 29:12

Olketa Livaet wea i stat fo duim waka ya i olsem: Long laen blong Kohat, Mahat san blong Amasae, an Joel san blong Asaraea. Long laen blong Merari, Kis san blong Adbi, an Asaraea san blong Jehalelel. Long laen blong Geson, Joa san blong Sima, an Eden san blong Joa.

2 Kronikols 30:12

An God hemi mekem olketa long Jiuda fo garem wanmaen nomoa fo kam, an falom evri toktok blong Yawe wea king an olketa bikman blong hem i talem.

2 Kronikols 31:14

Nao narafala Livaet wea nem blong hemi Kore, san blong Imna, hemi lukaftarem sekiuriti long geit blong Tambuhaos long saet long ist. Kore hemi lukaftarem tu olketa ofaring wea eniwan hemi givim falom wanem hemi laek fo givim long God. An hemi divaedem go olketa ofaring ya, an olketa tambu ofaring, mekem hemi givim go long olketa prist an Livaet.

2 Kronikols 31:4

King Hesekaea hemi talem olketa pipol long Jerusalem fo tekem kam olketa ofaring wea i blong olketa prist an olketa Livaet. Hem nao fo mekem olketa ya fo waka nomoa long wanem Lo blong Yawe hemi talem.

2 Kronikols 35:8

An olketa bikman blong hem tu i tekem kam olketa animol blong olketa, an givim go long olketa pipol an olketa prist an Livaet fo mekem fist ya. Nao Hilkaea, an Sekaraea, an Jehiel hu i trifala bikman long Tambuhaos blong God, trifala tekem kam 2,600 smolfala sipsip an yang nanigot, an givim go tu fo Fist blong Pasova. An trifala givim 300 man buluka tu fo mekem olketa sakrifaes.

Nehemaea 11:11

an Seraea, san blong Hilkaea, wea laen blong hem hemi olsem: Mesulam, Sadok, Meraeot, Ahitub, hu hemi olo long laen ya an hu hemi bin Haeprist long bifoa.