2 Kronikols 30:17 - Pijin Bible

¹⁷ Bat bikos plande man i no mekem olketa seleva klin long ae blong Yawe, olketa no save kilim dae olketa sipsip blong olketa seleva. So olketa Livaet i kilim dae olketa smolfala sipsip ya, an mektambu long olketa sipsip fo givim go long Yawe.

Pijin Deuterocanon

¹⁷ Bat bikos plande man i no mekem olketa seleva klin long ae blong Yawe, olketa no save kilim dae olketa sipsip blong olketa seleva. So olketa Livaet i kilim dae olketa smolfala sipsip ya, an mektambu long olketa sipsip fo givim go long Yawe.

2 Kronikols 30:17 ပူးပေါင်းရင်းမြစ်များ

2 Kronikols 29:34

Bat olketa prist i no plande, an olketa no fit fo kilim dae an aotem skin long olketa animol ya, so olketa Livaet hu i wantok blong olketa, i gohed fo helpem olketa go-go kasem taem waka ya hemi finis an olketa narafala prist tu i klin long ae blong Yawe. Long datfala taem, olketa Livaet i tinghevi moa fo mekem olketa seleva klin long ae blong Yawe winim olketa prist.

Eksodas 12:6

Bikman blong haos ya mas lukaftarem animol ya gudfala, go-go kasem mekfotin de long mans ya. Nao long ivining long datfala de, olketa bikman blong haos mas kilim dae olketa animol ya.

Esikiel 44:11

Olketa save duim waka raonem Tambuhaos blong mi, an waka olsem sekiuriti long olketa geit, an kilim dae olketa animol fo sakrifaes wea hemi barava bone an olketa narafala sakrifaes, an helpem olketa pipol long narafala wei.

Nambas 9:7

“Mifala no klin long ae blong Yawe bikos mifala bin tasim bodi blong man dae. ?Waswe, no eni wei nao fo mekem mifala fo save joen Pasova an givim ofaring go long Yawe?”

Gudnius abaotem Jisas Kraes wea Jon hemi raetem 11:55

Long taem ya, hemi kolsap kasem taem blong olketa bikde blong olketa Jiu fo makem Pasova nao. An plande pipol nao i lusim olketa ples raonabaot, an olketa go long Jerusalem fo mekem olketa seleva klin long ae blong God.