2 Kronikols 29:26 - Pijin Bible

²⁶ So olketa Livaet i redi wetem olketa samting fo pleim miusik wea bifoa King Deved bin givim long olketa Livaet. An olketa prist tu i redi long olketa trampet blong olketa.

Pijin Deuterocanon

²⁶ So olketa Livaet i redi wetem olketa samting fo pleim miusik wea bifoa King Deved bin givim long olketa Livaet. An olketa prist tu i redi long olketa trampet blong olketa.

2 Kronikols 29:26 ပူးပေါင်းရင်းမြစ်များ

1 Kronikols 16:6

An Prist Benaea an Prist Jahasiel, tufala nao i save bloum trampet olowe long frant long Tambu Boks ya.

1 Kronikols 23:5

An 4,000 man mas gadem Tambuhaos. An 4,000 man mas preisim Yawe long miusik wea olketa mekem long olketa samting wea mi nao mi givim long olketa.”

Sams 81:3

Long fist blong Niumun, an fist blong Fulmun, yumi mas bloum konsel fo statem wosip.

Sams 87:7

Nao olketa gohed fo dans, an olketa gohed fo singsing olsem, “Gudfala ples blong yumi nao long Saeon.” (Singsing blong laen blong Kora. Heman hu hemi long laen blong Esra hemi wakem.)

Aesaea 38:20

Bae Yawe hemi sevem mi. Bae mifala ringim gita, an singsing fo preisim hem. Oltaem long laef blong mifala, bae mifala singsing fo preisim Yawe insaet long Tambuhaos blong hem.

Emos 6:5

Yufala laekem tumas fo mekem nomoa olketa niufala singsing, olsem wea King Deved hemi bin duim bifoa, an oltaem yufala gohed fo singim olketa singsing ya wetem olketa gita.

Nambas 10:10

An olketa mas bloum tufala trampet ya long taem wea yufala hapi an mekem fist, an long taem blong olketa fist wea Lo hemi talem wetem olketa Fist blong Niumun. An olketa mas bloum tu taem yufala kam fo mekem olketa sakrifaes wea i barava bone, an olketa sakrifaes fo somaot dat yufala stapgud wetem mi. Saon blong trampet nao bae hemi mekem yufala fo tingim dat mi nao Yawe, God blong yufala.”

Nambas 10:8

Olketa long laen blong Haeprist Eron hu i prist, olketa nao mas bloum tufala trampet ya. “Olketa lo long tufala trampet ya wea bae yufala mas kipim olowe, hemi olsem: