2 Kronikols 29:19 - Pijin Bible

¹⁹ Evrisamting wea King Ehas hemi bin tekemaot bifoa long taem wea hemi no obeim Yawe, mifala redim an mektambu moa long olketa ya. Evrisamting ya i stap long frant long Olta fo Bonem Sakrifaes.”

Pijin Deuterocanon

¹⁹ Evrisamting wea King Ehas hemi bin tekemaot bifoa long taem wea hemi no obeim Yawe, mifala redim an mektambu moa long olketa ya. Evrisamting ya i stap long frant long Olta fo Bonem Sakrifaes.”

2 Kronikols 29:19 ပူးပေါင်းရင်းမြစ်များ

2 Kings 16:14

Bihaen, hemi muvum disfala olfala olta wea olketa wakem long bras an hemi stap fastaem long frant long Tambuhaos. Fastaem olfala olta ya hemi stap long midol long niufala olta an Tambuhaos, bat king hemi muvum olfala olta ya go long saet blong niufala olta ya long not.

2 Kings 16:17

King Ehas hemi tekemaot olketa saet blong olketa kaat fo karim wata wea olketa wakem long bras, an hemi tekemaot tu olketa besin wea i stap long olketa kaat ya. An disfala bikfala raon tangk wea olketa wakem long bras, king hemi tekemaot tangk ya from ples blong hem long baeksaet blong tuelfala kaving long man buluka wea olketa wakem long bras. Den hemi putum tangk ya long wanfala faondesin wea olketa wakem long ston.

2 Kronikols 28:24

Nao, Ehas hemi go tekem olketa samting wea olketa prist yusim long Tambuhaos blong Yawe. Hemi brekem olketa samting ya go long smolfala pisis. Den hemi satem Tambuhaos. Go-go hemi putumap olketa olta blong olketa narafala god long plande ples long Jerusalem.

2 Kronikols 29:18

Den olketa givim ripot long evrisamting long King Hesekaea olsem, “Tambuhaos blong Yawe, an Olta fo Bonem Sakrifaes, an Tebol blong Tambu Bred, an evrisamting fo yusim long Tambuhaos ya, mifala mekem olketa evriwan i klin finis long ae blong Yawe.

2 Kronikols 29:20

Long neks de, long eli moning, King Hesekaea hemi kolem olketa bikman blong taon fo kam tugeta. Olketa evriwan i kam long Tambuhaos blong Yawe.