2 Kronikols 29:17 - Pijin Bible

¹⁷ Long fas de blong mans, olketa stat fo mektambu moa long open eria raonem Tambuhaos. Long mekeit de, olketa waka kam kasem varanda blong Tambuhaos. Olketa gohed fo mektambu moa long Tambuhaos nao long nara eitfala de. Oraet, long meksikstin de blong mans ya olketa finisim waka ya.

Pijin Deuterocanon

¹⁷ Long fas de blong mans, olketa stat fo mektambu moa long open eria raonem Tambuhaos. Long mekeit de, olketa waka kam kasem varanda blong Tambuhaos. Olketa gohed fo mektambu moa long Tambuhaos nao long nara eitfala de. Oraet, long meksikstin de blong mans ya olketa finisim waka ya.

2 Kronikols 29:17 ပူးပေါင်းရင်းမြစ်များ

1 Kings 6:3

Varanda blong hem long frant long Tambuhaos hemi kasem foa an haf mita waed, an long blong hem hemi kasem naen mita, fitim waed blong Tambuhaos.

1 Kronikols 28:11

Den Deved hemi givim olketa plan blong Tambuhaos ya long hem. Hemi givim plan long varanda blong Tambuhaos, an plan long olketa stoarum, an plan long olketa pat long antap, an plan blong olketa rum insaet long Tambuhaos, an plan blong Barava Tambu Rum wea Yawe hemi save tekemaot sin blong man.

2 Kronikols 29:18

Den olketa givim ripot long evrisamting long King Hesekaea olsem, “Tambuhaos blong Yawe, an Olta fo Bonem Sakrifaes, an Tebol blong Tambu Bred, an evrisamting fo yusim long Tambuhaos ya, mifala mekem olketa evriwan i klin finis long ae blong Yawe.

2 Kronikols 29:3

Long fas yia wea King Hesekaea hemi rul, long fas mans blong hem, hemi openem moa olketa doa blong Tambuhaos blong Yawe, an hemi wakembaek olketa doa ya.

2 Kronikols 29:7

Olketa satem olketa doa blong Tambuhaos ya, an aotem olketa laet. An olketa no bonem insens, an olketa no bonem olketa sakrifaes long disfala Tambuhaos fo wosipim God blong Israel.

2 Kronikols 3:4

Waed blong varanda long frant long Tambuhaos hemi naen mita, an hae blong hem hemi kasem naen mita. An wol long insaet long varanda ya, olketa kavarem hem long nambawan gol.